തിരുവല്ല ശ്രീവല്ലഭ ക്ഷേത്രം ഉത്സവത്തിന് ശീവേലി നടക്കുന്നതിനിടെ ആനയിടഞ്ഞ് 3 പേർക്ക് പരിക്ക്

Mar 2, 2025, 4:18 pm GMT+0000 payyolionline.in

പത്തനംതിട്ട : തിരുവല്ല ശ്രീവല്ലഭ ക്ഷേത്രത്തിലെ ഉത്സവത്തിനിടെ ആനയിടഞ്ഞ് മൂന്നു പേർക്ക് പരുക്ക്. ശീവേലി നടക്കുന്നതിനിടെ ഒരു ആനയെ മറ്റൊരു ആന കുത്തി പരുക്കേൽപ്പിക്കുകയായിരുന്നു. ഇടഞ്ഞ ആന കലാപരിപാടി നടക്കുന്ന ഭാഗത്തേക്ക് ഓടിക്കയറുകയും ആന വരുന്നത് കണ്ട് ഓടുന്നതിനിടെ മൂന്ന് പേർ മറിഞ്ഞുവീഴുകയുമായിരുന്നു. പരുക്കേറ്റവരെ സമീപത്തെ ആശുപത്രിയിൽ പ്രവേശിപ്പിച്ചിരിക്കുകയാണ്. കീഴ് ശാന്തിമാരായ അനൂപ്, ശ്രീകുമാർ,മുരുകൻ എന്നിവർക്കാണ് പരുക്കേറ്റത്. ക്ഷേത്ര പരിസരത്തുനിന്ന് ആളുകളെ മാറ്റി. ഉണ്ണിക്കുട്ടൻ എന്ന ആനയാണ് ഇടഞ്ഞത്. ആനയെ ക്ഷേത്രത്തിൻറെ പടിഞ്ഞാറെ നടയോട് ചേർന്ന മരത്തിൽ തളച്ചു.

തിക്കോടിയിൽ സ്നേഹതീരം റസിഡൻ്റ്സ് അസോസിയേഷന്റെ അനുമോദന സദസ്സ് കോഴിപ്പുറം ചോല റസിഡൻസ് അസോസിയേഷൻ മുതിർന്നവർക്കായി ഉല്ലാസ ബോട്ട് യാത്ര സംഘടിപ ..