കോഴിക്കോട്: കേരള സ്പോർട്സ് കൗൺസിൽ അംഗീകൃത 46-ാമത് സംസ്ഥാന കേഡറ്റ്, ജൂനിയർ, അണ്ടർ 21 കരാത്തെ ചാമ്പ്യൻഷിപ്പിൽ കോഴിക്കോട് ജില്ലയ്ക്ക് വേണ്ടി 5 സ്വർണ്ണവും 2 വെള്ളിയും നേടി മേമുണ്ടയിലെ അൾട്ടിമെക്സ് സ്പോർട്സ് ഫിറ്റ്നസ്സിലെ താരങ്ങൾ മികച്ച നേട്ടം കൈവരിച്ചു.
ജനുവരി 10, 11 തിയ്യതികളിലായി കോട്ടയം രാജീവ് ഗാന്ധി ഇൻഡോർ സ്റ്റേഡിയത്തിൽ നടന്ന മത്സരത്തിൽ കത്ത, കുമിത്തെ വിഭാഗങ്ങളിലായാണ് താരങ്ങൾ മെഡലുകൾ സ്വന്തമാക്കിയത്. കുമിത്തെ വിഭാഗത്തിൽ നിവേദ്യേ എ. എം., സി. എസ്. ശ്രാവൺ, തനയ് മാനസ്, ഹംദ എന്നിവർ സ്വർണ്ണ മെഡൽ നേടി. കത്ത വിഭാഗത്തിൽ നന്ദന എസ്. സ്വർണ്ണ മെഡൽ കരസ്ഥമാക്കി.
കുമിത്തെ വിഭാഗത്തിൽ തന്നെ നൈനിക് എസ്. സന്തോഷ്, അസിൻ എ. എം. എന്നിവർ വെള്ളി മെഡലുകളും നേടി. കോഴിക്കോട് ജില്ലയുടെ കരാത്തെ ചരിത്രത്തിൽ ശ്രദ്ധേയമായ നേട്ടമായാണ് ഈ വിജയം വിലയിരുത്തപ്പെടുന്നത്.
മേമുണ്ട ആസ്ഥാനമായി പ്രവർത്തിക്കുന്ന അൾട്ടിമെക്സ് സ്പോർട്സ് ഫിറ്റ്നസ്സിൽ മുഖ്യപരിശീലകൻ സെൻസെയ് നന്ദിന്റെ നേതൃത്വത്തിലാണ് താരങ്ങൾ പരിശീലനം നടത്തുന്നത്.
