തിരുവനന്തപുരം: വനം വകുപ്പ് തിരുവനന്തപുരം ടിംബര്‍ സെയില്‍സ് ഡിവിഷന്റെ കീഴിലുള്ള വിവിധ തടി ഡിപ്പോകളില്‍ ഓഗസ്റ്റില്‍ ഇ-ലേലം നടത്തും. തേക്ക്, മറ്റ് കട്ടിത്തടികള്‍ എന്നിവയാണ് ഇ-ലേലം ചെയ്യുന്നത്. തേക്കിന് 50,000 രൂപയും മറ്റിനങ്ങള്‍ക്ക് 25,000 രൂപയുമാണ് നിരതദ്രവ്യമായി സമര്‍പ്പിക്കേണ്ടത്.
ആര്യങ്കാവ് തടി ഡിപ്പോ മുള്ളുമലയില്‍ ഓഗസ്റ്റ് നാലിനും കുളത്തൂപ്പുഴ തടി ഡിപ്പോ അച്ചന്‍കോവിലില്‍ 11-നും തെന്മല തടി ഡിപ്പോ അച്ചന്‍കോവിലില്‍ 21-നുമാണ് ഇ-ലേലം നടക്കുക. കൂടുതല്‍ വിവരങ്ങള്‍ക്കും രജിസ്‌ട്രേഷനുമായി ഇ-ഓക്ഷന്‍ വെബ് സൈറ്റ് ആയ www.mstcecommerce.com , www.forest.kerala.gov.in എന്നിവ സന്ദര്‍ശിക്കാം.
