വ​ട​ക​ര: ര​ണ്ട് ദി​വ​സ​മാ​യി പെ​യ്യു​ന്ന ക​ന​ത്ത മ​ഴ​യി​ൽ വ്യാ​പ​ക നാ​ശ​ന​ഷ്ടം. വ​ട​ക​ര താ​ലൂ​ക്കി​ൽ 10 കു​ടും​ബ​ങ്ങ​ളെ മാ​റ്റി​ത്താ​മ​സി​പ്പി​ച്ചു. ക​ട​ലാ​ക്ര​മ​ണം രൂ​ക്ഷ​മാ​യ കു​രി​യാ​ടി ഭാ​ഗ​ത്ത് 10 കു​ടും​ബ​ങ്ങ​ളേ​യും വീ​ട്ടി​ൽ വെ​ള്ളം ക​യ​റി​യ​തി​നെ തു​ട​ർ​ന്ന് നാ​ദാ​പു​രം വി​ല്ലേ​ജി​ൽ ര​ണ്ടു കു​ടും​ബ​ത്തെ​യും കാ​യ​ക്കൊ​ടി വി​ല്ലേ​ജി​ൽ ഒ​രു കു​ടും​ബ​ത്തേ​യു​മാ​ണ് മാ​റ്റി​ത്താ​മ​സി​പ്പി​ച്ച​ത്. കു​രി​യാ​ടി​യി​ലും വ​ട​ക​ര കൊ​യി​ലാ​ണ്ടി വ​ള​പ്പ്, മു​ക​ച്ചേ​രി ഭാ​ഗം എ​ന്നി​വി​ട​ങ്ങ​ളി​ലും ക​ട​ലാ​ക്ര​മ​ണം രൂ​ക്ഷ​മാ​ണ്. കു​രി​യാ​ടി​യി​ൽ 35ഓ​ളം കു​ടും​ബ​ങ്ങ​ൾ ഭീ​ഷ​ണി​യി​ലാ​ണ്.

മേ​ഖ​ല​യി​ൽ തീ​ര​ദേ​ശ റോ​ഡും ത​ക​ർ​ന്നു. മ​ണി​യൂ​ർ പ​ഞ്ചാ​യ​ത്തി​ലെ കു​റു​ന്തോ​ടി വെ​ട്ടി​ൽ​പീ​ടി​ക​യി​ൽ സ്കൂ​ൾ വി​ദ്യാ​ർ​ഥി​ക​ളെ​യും കൊ​ണ്ടു​പോ​കു​ക​യാ​യി​രു​ന്ന ഓ​ട്ടോ​റി​ക്ഷ​ക്ക് മു​ക​ളി​ൽ തേ​ക്ക് മ​രം ക​ട​പു​ഴ​കി. കീ​ഴ​ൽ ദേ​വീ​വി​ലാ​സം സ്കൂ​ൾ കു​ട്ടി​ക​ളെ കൊ​ണ്ടു​പോ​കു​ക​യാ​യി​രു​ന്നു ഓ​ട്ടോ. മ​ഴ​യെ തു​ട​ർ​ന്ന് സ്കൂ​ൾ നേ​ര​ത്തെ വി​ട്ടി​രു​ന്നു. കു​ട്ടി​ക​ളും ഡ്രൈ​വ​റും പ​രി​ക്കേ​ൽ​ക്കാ​തെ ര​ക്ഷ​പ്പെ​ട്ടു. ബു​ധ​നാ​ഴ്ച വൈ​കീ​ട്ട് മൂ​ന്ന​ര​യോ​ടെ​യാ​ണ് അ​പ​ക​ടം.

മ​രം വൈ​ദ്യു​തി ലൈ​നി​ൽ മ​രം ത​ട്ടി​നി​ന്ന​തി​നാ​ലാ​ണ് വ​ൻ അ​പ​ക​ടം ഒ​ഴി​വാ​യ​ത്. കീ​ഴ​ൽ സ്വ​ദേ​ശി ദി​ലീ​പ​ന്റേ​താ​ണ് ഓ​ട്ടോ​റി​ക്ഷ. ചോ​റോ​ട് മാ​ങ്ങാ​ട്ട് പാ​റ​യി​ൽ കു​ഞ്ഞി​പ്പ​റ​മ്പ​ത്ത് എ.​സി. രാ​ഘ​വ​ന്റെ വീ​ടി​നു മു​ക​ളി​ൽ പു​ളി​മ​രം ക​ട​പു​ഴ​കി വീ​ട് ഭാ​ഗി​ക​മാ​യി ത​ക​ർ​ന്നു.

വ​ട​ക​ര കോ​ട​തി പ​രി​സ​ര​ത്തെ മ​ര​ത്തി​ന്റെ ക​മ്പ് പൊ​ട്ടി​വീ​ണ് അ​ഞ്ചു​വി​ള​ക്ക് ജ​ങ്ഷ​നി​ൽ സ്ഥാ​പി​ച്ച ക്ലോ​ക്ക് ത​ക​ർ​ന്നു. വ​ള്ള്യാ​ട് കേ​ളോ​ത്ത് ന​ബീ​സ​യു​ടെ വീ​ടി​നോ​ട് ചേ​ർ​ന്നു​ള്ള മ​തി​ൽ ത​ക​ർ​ന്നു. വ​ട​ക​ര പു​തു​പ്പ​ണം വ​ട​ക്കേ പ​രോ​ത്ത് വ​ന​ജ​യു​ടെ വീ​ടി​ന്റെ കു​ളി​മു​റി​യും ഇ​തോ​ടൊ​പ്പ​മു​ള്ള കി​ണ​റും താ​ണു.

ദേ​ശീ​യ​പാ​ത​യു​ടെ പ്ര​വൃ​ത്തി കാ​ര​ണം പാ​ത​യോ​ര​ങ്ങ​ളി​ലെ പ​ല വീ​ടു​ക​ളി​ലും വെ​ള്ളം ക​യ​റി. കെ.​ടി ബ​സാ​റി​ൽ ര​ണ്ടു വീ​ടു​ക​ളി​ൽ വെ​ള്ളം ക​യ​റി​യ​തി​നെ തു​ട​ർ​ന്ന് എ​ൻ.​എ​ച്ച് അ​ധി​കൃ​ത​രും പ്ര​വൃ​ത്തി ക​രാ​ർ ഏ​റ്റെ​ടു​ത്ത ക​മ്പ​നി അ​ധി​കൃ​ത​രും വെ​ള്ളം ഒ​ഴു​കി​പ്പോ​കാ​ൻ സം​വി​ധാ​ന​മൊ​രു​ക്കി.

ശ​ക്ത​മാ​യ മ​ഴ​യി​ൽ തീ​ക്കു​നി -അ​രൂ​ർ റോ​ഡ് വെ​ള്ള​ത്തി​ലാ​യി. അ​ഴി​ത്ത​ല​യി​ൽ മ​ത്സ്യ​ത്തൊ​ഴി​ലാ​ളി​യു​ടെ വ​ള്ള​വും എ​ൻ​ജി​നും ശ​ക്ത​മാ​യ മ​ഴ​യി​ലും പു​ഴ​യി​ലെ ഒ​ഴു​ക്കി​ലും​പെ​ട്ട് നാ​ശ​ന​ഷ്ടം സം​ഭ​വി​ച്ചു. മ​ത്സ്യ​ത്തൊ​ഴി​ലാ​ളി​യാ​യ തെ​ക്ക​ത്തി​ന്റ​വി​ട സ​ലീ​മി​ന്റെ ഉ​ട​മ​സ്ഥ​ത​യി​ലു​ള്ള​താ​ണ് വ​ള്ള​വും എ​ൻ​ജി​നും.

ഏ​ക​ദേ​ശം ര​ണ്ട​ര ല​ക്ഷം രൂ​പ​യു​ടെ നാ​ശ​ന​ഷ്ടം സം​ഭ​വി​ച്ചി​ട്ടു​ണ്ട്. ഈ​ദ്മു​ബാ​റ​ക് ഫൈ​ബ​ർ വ​ള്ള​ത്തി​നും അ​തി​ന്റെ ഒ​മ്പ​ത് എ​ച്ച്.​പി എ​ൻ​ജി​നു​ക​ളും വ​ല​യു​മാ​ണ് ന​ശി​ച്ച​ത്. ശ​ക്ത​മാ​യ കാ​റ്റി​ലും ഒ​ഴു​ക്കി​ലും​പെ​ട്ട വ​ള്ള​വും എ​ൻ​ജി​നും വ​ല​യും പു​ഴ​യി​ലൂ​ടെ ഒ​ഴു​കു​ക​യാ​യി​രു​ന്നു. മ​ത്സ്യ​ത്തൊ​ഴി​ലാ​ളി​ക​ളും നാ​ട്ടു​കാ​രും കൂ​ടി മ​റ്റൊ​രു വ​ള്ള​ത്തി​ൽ ക​യ​റി വ​ള്ള​വും എ​ൻ​ജി​നും ക​ര​ക്കെ​ത്തി​ക്കു​ക​യാ​യി​രു​ന്നു.