കൊയിലാണ്ടി: മാരാമുറ്റം റോഡിൽ പ്രവർത്തിക്കുന്ന ലോയൽ ഹെൽത്ത് കെയർ ഉടമ പെരുവട്ടൂർ സ്വദേശി സുനിൽകുമാർ (50) സ്ഥാപനത്തിനുള്ളിൽ വെച്ച് ഷോക്കേറ്റു മരിച്ചു. ഇന്ന് വൈകിട്ട് ആറരയോടെയായിരുന്നു സംഭവം. ക്ലിനിക്കിലെ യു.പി.എസിൽ (UPS) നിന്ന് ഷോക്കേൽക്കുകയായിരുന്നുവെന്നാണ് വിവരങ്ങൾ. അപകടത്തിന് തൊട്ടുപിന്നാലെ ഇയാളെ കൊയിലാണ്ടി താലൂക്ക് ആശുപത്രിയിൽ എത്തിച്ചെങ്കിലും ജീവൻ രക്ഷിക്കാനായില്ല.