പയ്യോളി: കൊളാവിപ്പാലം – അയനിക്കാട് സ്നേഹതീരം റെസിഡൻസ് അസോസിയേഷൻ നേതൃത്വത്തിൽ ‘ആരോഗ്യം സമ്പത്ത്, അശ്രദ്ധ ആപത്ത്’ ആരോഗ്യ അവബോധ സെമിനാർ സംഘടിപ്പിച്ചു. പയ്യോളി നഗരസഭാധ്യക്ഷൻ വി കെ അബ്ദുറഹിമാൻ ഉദ്ഘാടനം ചെയ്തു. ഡോ. എസ് ബി സബിൻ ലാൽ മുഖ്യാതിഥിയായിരുന്നു.
രാജൻ കൊളാവിപ്പാലം അധ്യക്ഷത വഹിച്ചു. ജീവതാളം പരിശീലകൻ കെ വി സത്യൻ പവർ പോയിൻ്റ് പ്രസൻ്റേഷൻ സഹായത്തോടെ ക്ലാസെടുത്തു. നഗരസഭാംഗം ചെറിയാവി സുരേഷ് ബാബു, നഗരസഭാ ഹെൽത്ത് ഇൻസ്പെക്ടർ ടി പി പ്രജീഷ് കുമാർ, ആശാ വർക്കർ കെ വി സീമ, എം ടിനാണു, പ്രകാശ് പയ്യോളി, എം പി മോഹനൻ പ്രസംഗിച്ചു.വയനാട് ദുരന്തത്തിൽ അനുശോചിച്ച് എം ടി സജിത്ത് കുമാർ പ്രമേയം അവതരിപ്പിച്ചു.
