തിരുവനന്തപുരം: സംസ്ഥാനത്തെ പ്രവാസി ക്ഷേമനിധി ബോർഡ് വഴി നൽകിവരുന്ന പ്രവാസി പെൻഷൻ വിതരണത്തിനായി ധനവകുപ്പ് 32 കോടി രൂപ അനുവദിച്ചു. തുക ലഭ്യമാക്കിയതോടെ ഓണത്തിന് മുന്നോടിയായി അർഹരായ മുഴുവൻ പ്രവാസികളുടെയും ബാങ്ക് അക്കൗണ്ടുകളിലേക്ക് പെൻഷൻ തുക നേരിട്ടെത്തുമെന്ന് അധികൃതർ വ്യക്തമാക്കി.
പെൻഷൻ ഫണ്ടിലുണ്ടായ സാമ്പത്തിക പ്രതിസന്ധിയെ തുടർന്ന് വിതരണം തടസ്സപ്പെട്ടിരുന്ന സാഹചര്യത്തിലാണ് സർക്കാരിന്റെ അടിയന്തര ഇടപെടൽ. പ്രവാസികളോടുള്ള പ്രതിബദ്ധത മുൻനിർത്തിയാണ് ഘട്ടംഘട്ടമായി തുക അനുവദിക്കാൻ തീരുമാനിച്ചത്. നിലവിലുള്ള കുടിശ്ശിക മുഴുവൻ എത്രയും വേഗത്തിൽ തീർപ്പാക്കുന്നതിനുള്ള നടപടികൾ വേഗത്തിലാക്കാൻ മുഖ്യമന്ത്രി നിർദ്ദേശം നൽകിയിട്ടുണ്ട്.
