തിരുവനന്തപുരം: സംസ്ഥാനത്ത് നാളെ (സെപ്റ്റംബർ 30) ബിവറേജസ് ഔട്ട്ലെറ്റുകൾ പ്രവർത്തിക്കുക രാത്രി 7 മണി വരെ മാത്രം. അർദ്ധ വാർഷിക സ്റ്റോക്ക് ക്ലിയറൻസിനെ തുടർന്നാണ് ഔട്ട്ലറ്റ്ലെറ്റുകൾ നേരത്തെ പ്രവർത്തനം അവസാനിപ്പിക്കുക. ഒക്ടോബർ 1 ഡ്രൈ ഡേ ആയതിനാലും ഒക്ടോബർ 2 ഗാന്ധി ജയന്തിയായതിനാലും ഇനി ഒക്ടോബർ 3-ാം തീയതി മാത്രമേ ബിവറേജസ് ഔട്ട്ലറ്റ്ലെറ്റുകൾ തുറന്ന് പ്രവർത്തിക്കുകയുള്ളൂ.
ഒക്ടോബർ-2ന് ബിവറേജസ് കോർപ്പറേഷന് മാത്രമല്ല, ബാറുകളും അവധിയായിരിക്കും. ത്രിവേണി സ്റ്റോറുകൾക്കും, കൺസ്യൂമർ ഫെഡ് ഷോപ്പുകൾക്കും ഇത് ബാധകമായിരിക്കും. ഒക്ടോബർ 1-ാം തീയതി ഉൾപ്പെടെ ഈ വർഷം ഇനി മൂന്ന് ഡ്രൈ ഡേകൾ കൂടിയാണുള്ളത്.
