തിരുവനന്തപുരം: സംസ്ഥാനത്ത് വിവിധ ട്രെയിനുകൾക്ക് വരും ദിവസങ്ങളിൽ ഭാഗിക നിയന്ത്രണം ഏർപ്പെടുത്തി. തിരുവനന്തപുരം റെയില്‍വേ ഡിവിഷൻ്റെ കീഴില്‍ അറ്റകുറ്റപ്പണികൾ നടക്കുന്നതിനാലാണ് നിയന്ത്രണം. വിവിധ സർവീസുകൾ ഭാഗികമായി റദ്ദാക്കുകയും ചിലത് വഴിതിരിച്ചുവിടുകയും സമയം പുനഃക്രമീകരിക്കുകയും ചെയ്യുമെന്ന് റെയില്‍വേ അറിയിച്ചു. പരശുറാം എക്സ്പ്രസ് ഉൾപ്പെടെയുള്ളവയ്ക്കാണ് നിയന്ത്രണം.

ട്രെയിൻ നമ്പർ 56605 ഷൊർണൂർ ജങ്ഷൻ – തൃശൂർ പാസഞ്ചറിൻ്റെ ജൂലൈ 19, 28 ദിവസങ്ങളിലെ സർവീസ് പൂർണ്ണമായും റദ്ദാക്കി. 16649 മംഗളൂരു സെൻട്രൽ – കന്യാകുമാരി പരശുറാം എക്സ്പ്രസ് ജൂലൈ 06, 07 തീയതികളിൽ തിരുവനന്തപുരം വരെയെ സർവീസ് നടത്തുകയുള്ളൂ. തിരുവനന്തപുരത്തിനും കന്യാകുമാരിയ്ക്കും ഇടയിൽ സർവീസ് റദ്ദാക്കി.12695 എംജിആർ ചെന്നൈ സെൻട്രൽ – തിരുവനന്തപുരം സെൻട്രൽ സൂപ്പർ ഫാസ്റ്റ് എക്സ്പ്രസിൻ്റെ ജൂലൈ 25ൻ്റെ സർവീസ് കോട്ടയത്ത് അവസാനിക്കും. കോട്ടയത്തിനും തിരുവനന്തപുരത്തിനും ഇടയിൽ സർവീസ് റദ്ദാക്കി. ഈ മാസം ഒമ്പതിനുള്ള 22627 തിരുച്ചിറപ്പള്ളി – തിരുവനന്തപുരം സൂപ്പര്‍ ഫാസ്റ്റ് എക്‌സ്പ്രസ് വള്ളിയൂരിനും തിരുവനന്തപുരത്തിനും ഇടയില്‍ സര്‍വിസ് നടത്തില്ല.

16650 കന്യാകുമാരി – മംഗളൂരു പരശുരാം എക്സ്പ്രസ് ജൂലൈ 07, 08 തീയതികളിൽ തിരുവനന്തപുരത്ത് നിന്നാണ് സർവീസ് ആരംഭിക്കുക. രാവിലെ 06:15ന് ട്രെയിൻ പുറപ്പെടും.12696 തിരുവനന്തപുരം സെൻട്രൽ – എംജിആർ ചെന്നൈ സൂപ്പർഫാസ്റ്റ് 26ന് കോട്ടയത്ത് നിന്നാണ് പുറപ്പെടുക. 16609 തൃശൂർ – കണ്ണൂർ എക്സ്പ്രസ് ജൂലൈ 29ന് ഷൊർണ്ണൂരിൽ നിന്നാണ് സർവീസ് ആരംഭിക്കുക.12645 എറണാകുളം ജങ്ഷൻ – ഹസ്രത് നിസാമുദ്ദീൻ എക്സ്പ്രസ് ജൂലൈ 19ന് വൈകീട്ട് 19:10ന് പകരം 20:50നാണ് പുറപ്പെടുക. ട്രെയിൻ 1 മണിക്കൂർ 40 മിനിറ്റ് ലേറ്റായിരിക്കും. ഈ മാസം എട്ട്, ഒമ്പത് തീയതികളിലെ താംബരം – നാഗര്‍കോവില്‍ അന്ത്യോദയ (20691) സൂപ്പര്‍ ഫാസ്റ്റ് എക്‌സ്പ്രസ് തിരുനെല്‍വേലിയില്‍ യാത്ര അവസാനിപ്പിക്കും. 26നുള്ള നാഗര്‍കോവില്‍ – കോട്ടയം എക്‌സ്പ്രസ്(16366) ചങ്ങനാശേരിയിലും 25ന് ചെന്നൈയില്‍ നിന്നും പുറപ്പെടുന്ന തിരുവനന്തപുരം സൂപ്പര്‍ഫാസ്റ്റ്(12695) കോട്ടയത്തും 26നുള്ള മധുര-ഗുരുവായൂര്‍ എക്‌സ്പ്രസ്(16327) കൊല്ലത്തും യാത്ര അവസാനിപ്പിക്കും.

ഒമ്പതിനുള്ള നാഗര്‍കോവില്‍ – താംബരം അന്ത്യോദയ സൂപ്പര്‍ഫാസ്റ്റ് (20692) തിരുനെല്‍വേലിയില്‍ നിന്നും 27നുള്ള ഗുരുവായൂര്‍-മധുര എക്‌സ്പ്രസ്(16328) എന്നിവ കോട്ടയത്ത് നിന്നുമായിരിക്കും സർവിസ് ആരംഭിക്കുക.