കൊയിലാണ്ടി: 3 ഗ്രാം എം ഡി എം എ യുമായി കൊയിലാണ്ടി സ്വദേശി പിടിയിൽ. നടേരി മഞ്ഞളാട് പറമ്പിൽ ഹബീബിനെ യാണ് 3 ഗ്രാം എംഡി എം എ യുമായി കൊയിലാണ്ടി പോലീസ് പിടികൂടിയത് . ഇന്ന് പുലർച്ചെ 19 ഗ്രാം എം ഡി എം എ കൈവശം വെച്ച കാവുംവട്ടം സ്വദേശി മുഹമ്മദ് ഹാഷിമിന്റെ സംഘത്തിലെ പ്രധാന കണ്ണിയാണ് ഹബീബ് .
വടകര ഡിവൈഎസ്പി ഹരിപ്രസാദിന്റെ നേതൃത്വത്തിൽ സി ഐ ശ്രീലാൽ ചന്ദ്രശേഖരൻ, എസ് ഐ പ്രദീപൻ, എ എസ് ഐ ബിജുവാണിയംകുളം, അനഘ, ഡാൻസാഫ് അംഗങ്ങളായ ഷാജി, ബിനീഷ്, ഷോബിത്ത് എന്നിവരും ചേർന്ന് നടത്തിയ നാർക്കോട്ടിക് സ്പെഷ്യൽ ഡ്രൈവിലാണ് പ്രതിയെ പിടികൂടിയത്.
കോഴിക്കോട് റൂറൽ എസ് പി കെ.ഇ ബൈജുവിന്റെ കീഴിലുള്ള നാർക്കോട്ടിക് സേനാവിഭാഗവും കൊയിലാണ്ടി പോലീസും ഊർജസ്വലമായ പ്രവർത്തനമാണ് ലഹരിക്കെതിരെ നടത്തിക്കൊണ്ടിരിക്കുന്നത്.
