പയ്യോളി: സംസ്ഥാന സ്കൂൾ കായികമേളയിൽ പങ്കെടുത്ത് സ്വർണ മെഡൽ നേടിയ പയ്യോളിയുടെ അഭിമാന താരം തിക്കോടിയൻ സ്മാരക ഗവ.വൊക്കേഷണൽ ഹയർ സെക്കണ്ടറി സ്കൂൾ വിദ്യാർത്ഥി സംസ്ഥാന കായിക മേള സ്വർണ്ണ മെഡൽ ജേതാവ് അഭിനയയ്ക്കും 600 മീറ്ററിൽ പങ്കെടുത്ത കാർത്തിക് കൃഷ്ണയ്ക്കും സ്വീകരണം നൽകി പയ്യോളി: കായികമേള കഴിഞ്ഞശേഷം സ്കൂളിൽ തിരിച്ച് എത്തിയ ഇവർക്ക് സ്കൂളിൽ ആവേശോജ്വലമായ സ്വീകരണം നൽകി .എന്‍സിസി, എസ്പിസി, ഗയിഡ്സ്, ജെആര്‍സി എന്നീ സന്നദ്ധ സംഘടനകളുടെ നേതൃത്വത്തിൽ ബാന്റ് മേളത്തോടെയാണ് ഇവരെ വിദ്യാലയത്തിലേക്ക് ആനയിച്ചത്. സ്വീകരണ യോഗത്തിൽ ഹെഡ്മാസ്റ്റർ എൻ എം മുസ്സക്കോയ അധ്യക്ഷത വഹിച്ചു .പിടിഎ പ്രസിഡണ്ട് സബീഷ് കുന്നങ്ങോത്ത് ബൊക്ക നൽകി വിദ്യാർഥിയെ സ്വീകരിച്ചു. പ്രിൻസിപ്പൽ മോഹനൻ പഞ്ചാരി വൈസ് പ്രസിഡണ്ട് മൊയ്തീൻ പെരിങ്ങാട് , കെ സജിത്ത് പി.ടി എ കമ്മിറ്റി അംഗങ്ങളായ കെ സമീറ എം.പി റുഖിയ റസാക്ക് കാട്ടിൽ സ്റ്റാഫ് സെക്രട്ടറി പ്രിയ എ എന്നിവർ ആശംസകളർപ്പിച്ച് സംസാരിച്ചു .
