കോഴിക്കോട് :ലൈസൻസ് ഇല്ലാതെ അമിതവേഗത്തിൽ നഗരത്തിലേക്ക് കാർ ഓടിച്ചുകയറ്റി വിദ്യാർഥികൾ. വയനാട് റോ‍ിലൂടെ വന്ന കാർ കുട്ടികളുമായി സഞ്ചരിക്കുകയായിരുന്ന യുവതിയുടെ സ്കൂട്ടറിൽ തട്ടി. അതുവഴി എത്തിയ റോഡ് സുരക്ഷാ വിഭാഗം പൊലീസ് കാറിലെ വിദ്യാർഥികളെ ചോദ്യം ചെയ്തപ്പോഴാണ് ഡ്രൈവർക്ക് ഉൾപ്പെടെ രണ്ടു പേർക്കും ലൈസൻസ് ഇല്ലെന്ന് മനസ്സിലായത്. വിദ്യാർഥികൾ അപേക്ഷിച്ചതിനെ തുടർന്ന് പൊലീസ് അവരുടെ ലൈസൻസുള്ള ബന്ധുവിനെ വിളിച്ചു വരുത്തി കാർ ഉടമയ്ക്കെതിരെ പിഴ നൽകി വിട്ടയച്ചു. ഇന്നലെ വൈകിട്ട് ഇംഗ്ലിഷ് പള്ളി ജംക്‌ഷനു സമീപത്താണ് സംഭവം. […]

തലശ്ശേരി: കൈയിൽ ധരിച്ച വാച്ചിന്റെ സ്ട്രാപ്പിനുള്ളിൽ വിഗ്ദ്ധമായി ഒളിപ്പിച്ച നിലയിൽ 1.45 ഗ്രാം എം.ഡി.എം.എയുമായി യുവാവ് തലശ്ശേരി പോലീസിന്റെ പിടിയിലായി. തലശ്ശേരി പൂവളപ്പ്‌തെരു സ്വദേശി എസ്. സജീർ (32) ആണ് അറസ്റ്റിലായത്. മഞ്ഞോടിയിൽ വെച്ച് വെള്ളിയാഴ്ച രാത്രി 10.30-ഓടെയാണ് സംഭവം. പോലീസ് വാഹനം കണ്ടതോടെ ഓടി രക്ഷപ്പെടാൻ ശ്രമിച്ച സജീറിനെ പോലീസ് തടഞ്ഞുനിർത്തുകയായിരുന്നു. കൈകൾ പുറകിൽ കെട്ടി വാച്ച് മറയ്ക്കാൻ ശ്രമിച്ച ഇയാളോട് വാച്ച് അഴിക്കാൻ ആവശ്യപ്പെട്ടെങ്കിലും തയ്യാറായില്ല. സംശയം തോന്നി പോലീസ് ശക്തമായി ആവശ്യപ്പെട്ടതോടെയാണ് വാച്ച് […]

തിക്കോടി: മേലടി ബ്ലോക്ക് പഞ്ചായത്ത് പരിധിയിൽ തിക്കോടി പഞ്ചായത്ത് ബസാറിൽ പുതുതായി ആരംഭിച്ച മേലടി ഫാർമേഴ്സ് പ്രൊഡ്യൂസർ ആൻഡ് മാർക്കറ്റിംഗ് കോ-ഓപ്പറേറ്റീവ് സൊസൈറ്റിയുടെ പുതിയ ഓഫീസിന്റെയും, ഓർഗാനിക് നാടൻ ഭക്ഷ്യധാന്യ കിറ്റ് വിതരണത്തിന്റെയും ഉദ്ഘാടനം മേലടി ബ്ലോക്ക് പഞ്ചായത്ത് പ്രസിഡന്റ് ശ്രീമതി ദീപ ഡി ഓൾഗ നിർവഹിച്ചു. ഓർഗാനിക് ഭക്ഷ്യധാന്യ കിറ്റ് കെ.കെ. ബാലകൃഷ്ണന് നൽകിയാണ് ആദ്യ വിൽപ്പന നടത്തിയത്. സൊസൈറ്റി പരിസരത്ത് ആരംഭിച്ച ഓണപ്പൂക്കളുടെ വിപണന കേന്ദ്രത്തിന്റെ ഉദ്ഘാടനം പി. ജനാർദ്ദനൻ നിർവഹിച്ചു. സൊസൈറ്റി പ്രസിഡന്റ് […]

ന്യൂഡൽഹി: ലോക ബാഡ്മിന്റൻ ചാമ്പ്യൻഷിപ്പിൽ ഇന്ത്യയുടെ ട്രീസ ജോളി – ഗായത്രി ഗോപീചന്ദ് സഖ്യത്തിന് വെങ്കലം. സെമിഫൈനലിൽ ലോക ഒന്നാം നമ്പർ ചൈനീസ് സഖ്യത്തോട് പൊരുതി തോറ്റാണ് ഇന്ത്യൻ ജോഡി മെഡൽ ഉറപ്പിച്ചത്. ആദ്യ ഗെയിം സ്വന്തമാക്കിയ ശേഷമായിരുന്നു ഇന്ത്യൻ സഖ്യത്തിന്റെ പരാജയം. ഒരു മണിക്കൂറും 11 മിനിറ്റും നീണ്ട പോരാട്ടത്തിനൊടുവിലാണ് മത്സരം അവസാനിച്ചത്. ലോക ചാമ്പ്യൻഷിപ്പിൽ വെങ്കലം നേടുന്ന ആദ്യ മലയാളി വനിതയെന്ന ചരിത്രനേട്ടവും ട്രീസ ജോളി സ്വന്തമാക്കി. ​നിലവിലെ ചാമ്പ്യന്മാരായ ലിയു ഷെങ് ഷു […]

തിരുവനന്തപുരം: സംസ്ഥാനത്ത് ഓണാഘോഷത്തിന്റെ ഭാഗമായി കെ.എസ്.ആർ.ടി.സിയിലെ ബസ് വാഷിങ് ജീവനക്കാർക്ക് ഉത്സവബത്ത അനുവദിച്ചതായി ഗതാഗത മന്ത്രി സി.പി. ജോൺ അറിയിച്ചു. വർഷങ്ങൾക്ക് ശേഷമാണ് ബസ് വാഷിങ് ജീവനക്കാർക്ക് വീണ്ടും ഉത്സവബത്ത നൽകുന്നത്. ഇവർക്ക് 1,000 രൂപ ഓണം അലവൻസ് നൽകാനാണ് മന്ത്രി നിർദ്ദേശം നൽകിയിരിക്കുന്നത്.   ​സ്ഥിരം, താത്കാലിക ജീവനക്കാർക്ക് പുറമേ ഇത്തവണ പെൻഷൻകാർക്കും ഉത്സവബത്ത നൽകാൻ നടപടി സ്വീകരിച്ചിരുന്നു. ഇതിന് പിന്നാലെയാണ് കോർപ്പറേഷനിലെ അടിസ്ഥാന വിഭാഗമായ വാഷിങ് ജീവനക്കാരെക്കൂടി ഉൾപ്പെടുത്താൻ സർക്കാർ തീരുമാനിച്ചത്. 2019-ന് ശേഷമാണ് […]

തിരുവനന്തപുരം: മ്യൂസിയം പോലീസ് സ്റ്റേഷന് മുന്നിൽവെച്ച് ഇ.ഡി. ഉദ്യോഗസ്ഥരെ ആക്രമിച്ച കേസിലെ പ്രതികൾ നടത്തിയ ഓണാഘോഷത്തിൽ കടുത്ത നടപടിക്കൊരുങ്ങി പോലീസ്. ഐ.പി. ബിനു ഉൾപ്പെടെയുള്ള പ്രതികളുടെ ജാമ്യം റദ്ദാക്കണമെന്ന് ആവശ്യപ്പെട്ട് കോടതിയെ സമീപിച്ചേക്കും. പ്രതികളുടെ ആഘോഷവും റീൽസ് ചിത്രീകരണവും പോലീസിന് കടുത്ത നാണക്കേടുണ്ടാക്കിയ പശ്ചാത്തലത്തിൽ നിയമോപദേശം തേടിയിട്ടുണ്ട്. ​സംഭവത്തിൽ തിരുവനന്തപുരം സിറ്റി പോലീസ് കമ്മീഷണറോട് വിശദമായ അന്വേഷണം നടത്താൻ ക്രമസമാധാന ചുമതലയുള്ള എ.ഡി.ജി.പി. നിർദേശിച്ചു. ഉദ്യോഗസ്ഥരുടെ ഭാഗത്തുനിന്ന് വീഴ്ചയുണ്ടായിട്ടുണ്ടെങ്കിൽ കർശന നടപടിയുണ്ടാകും. കേസിൽ കോടതി നിർദേശപ്രകാരം സ്റ്റേഷനിൽ […]

കൊയിലാണ്ടി: സ്റ്റുഡന്റ് പോലീസ് കേഡറ്റ് (എസ്.പി.സി) ദിനാഘോഷത്തിന്റെ ഭാഗമായി ലഹരിക്കെതിരെ ആയിരക്കണക്കിന് വർണ്ണബലൂണുകൾ ആകാശത്തേക്ക് പറത്തി കൊയിലാണ്ടിയിൽ കേഡറ്റുകളുടെ പ്രതിജ്ഞ. ലഹരിക്കെതിരെയുള്ള പോരാട്ടത്തിൽ വിദ്യാർത്ഥി സമൂഹത്തെ ഒന്നിപ്പിക്കുമെന്ന് കേഡറ്റുകൾ ചടങ്ങിൽ പ്രഖ്യാപിച്ചു. കോഴിക്കോട് റൂറൽ എസ്.പി.സി ദിനാഘോഷത്തിന്റെ ഭാഗമായി കൊയിലാണ്ടി സ്റ്റേഡിയത്തിൽ നടന്ന ചടങ്ങിൽ റൂറൽ എസ്.പി മെറിൻ ജോസഫ് പതാകയുയർത്തി കേഡറ്റുകളുടെ പരേഡ് പരിശോധിക്കുകയും സല്യൂട്ട് സ്വീകരിക്കുകയും ചെയ്തു. തുടർന്ന് പോലീസുകാരും അധ്യാപകരും രക്ഷിതാക്കളും കേഡറ്റുകളും ചേർന്ന് ഹൈഡ്രജൻ നിറച്ച ബലൂണുകൾ ആകാശത്തേക്ക് പറത്തി. ജി.വി.എച്ച്.എസ് […]

തിരുവനന്തപുരം: സംസ്ഥാനത്ത് വരുന്ന മൂന്ന് ദിവസം മഴയ്ക്ക് സാധ്യതയെന്ന് കേന്ദ്രകാലാവസ്ഥാ വകുപ്പിന്റെ മുന്നറിയിപ്പ്. നാളെ കോഴിക്കോട്, വയനാട്, കണ്ണൂർ, കാസർകോട് ജില്ലകളിൽ യെല്ലോ അലേർട്ട് പ്രഖ്യാപിച്ചു. തിങ്കളാഴ്ച പത്തനംതിട്ട, കോട്ടയം, എറണാകുളം, ഇടുക്കി, തൃശ്ശൂർ ജില്ലകളിലും ചൊവ്വാഴ്ച കോട്ടയം, എറണാകുളം, ഇടുക്കി ജില്ലകളിലും യെല്ലോ അലേർട്ട് പ്രഖ്യാപിച്ചിട്ടുണ്ട്. തിരുവോണ ദിവസം നിലവിൽ മഴ മുന്നറിയിപ്പ് പ്രഖ്യാപിച്ചിട്ടില്ല. ഇന്നും ഒരു ജില്ലയിലും മഴ മുന്നറിയിപ്പ് ഇല്ല. കള്ളക്കടൽ ജാഗ്രതാ നിർദേശം കള്ളക്കടൽ പ്രതിഭാസത്തിന്റെ ഭാഗമായി തിരുവനന്തപുരം (കാപ്പിൽ മുതൽ […]

കണ്ണൂർ: 9 വർഷത്തിന് ശേഷം കൊലപാതകകേസിലെ പ്രതി പിടിയിൽ. മലപ്പുറം സ്വദേശി അബ്ദുള്ളയാണ് പൊലീസിന്റെ പിടിയിലായത്. ഇയാളെ മുന്നിയൂരിൽ വെച്ചാണ് പൊലീസ് പിടികൂടിയത്. തിരുവനന്തപുരം സ്വദേശിയായ സുനിയെ ഒമ്പതു വർഷം മുമ്പാണ് ഇയാൾ കൊലപ്പെടുത്തിയത്. കണ്ണൂർ കെ എസ് ആർ ടി സി ബസ് സ്റ്റാൻഡ് പരിസരത്തു വെച്ചാണ് ഇയാളെ കൊലപ്പെടുത്തിയത്. സംഭവത്തിന്‌ ശേഷം കൂട്ടുപ്രതി പിടിയിലായെങ്കിലും അബ്ദുള്ള മുങ്ങുകയായിരുന്നു. കണ്ണൂർ ടൗൺ എസിപി എം പി അസാദിന്റെ നേതൃത്വത്തിൽ കമ്മീഷണറുടെ സ്‌ക്വാഡാണ് പ്രതിയെ പിടികൂടിയത്.

കോഴിക്കോട്: പെരുമണ്ണയിൽ കുളത്തിൽ കുളിക്കുന്നതിനിടെ പ്ലസ് ടു വിദ്യാർത്ഥി മുങ്ങി മരിച്ചു. ഷഹൽ ഷാ (17)ആണ് മരിച്ചത്. കൂട്ടുകാർക്കൊപ്പം പെരുമണ്ണ തെക്കേ പാടത്തെ പഞ്ചായത്തിന്റെ അധീനതയിലുള്ള ചാലിക്കുളത്തിൽ കുളിക്കുന്നതിനിടെയാണ് അപകടം ഉണ്ടായത്. കുളിക്കുന്നതിനിടെ വെള്ളത്തിൽ മുങ്ങിത്താഴുകയായിരുന്നു. ഉടൻ രക്ഷിക്കാൻ ശ്രമിച്ചെങ്കിലും ജീവൻ രക്ഷിക്കാനായില്ല. മൃതദേഹം ആശുപത്രിയിലേക്ക് മാറ്റി. പോസ്റ്റ്മോർട്ടത്തിന് ശേഷം കുടുംബത്തിന് വിട്ടുനൽകും.