തിരുവനന്തപുരം: നിയമസഭാ തിരഞ്ഞെടുപ്പ് വോട്ടെണ്ണൽ പുരോഗമിക്കവേ, മുഖ്യമന്ത്രി പിണറായി വിജയനും മന്ത്രിസഭയിലെ പ്രമുഖരും പിന്നിൽ നിൽക്കുന്ന സാഹചര്യത്തിൽ മുഖ്യമന്ത്രിയെ രൂക്ഷമായി പരിഹസിച്ച് രാഹുൽ മാങ്കൂട്ടത്തിൽ. സമൂഹമാധ്യമത്തിലൂടെയാണ് രാഹുൽ തന്റെ പ്രതികരണം രേഖപ്പെടുത്തിയത്. “വീട്ടിൽ പോയി ചോദിക്കാൻ പറഞ്ഞവനോട്, വീട്ടിൽ പോയി ഇരിക്കാൻ പറഞ്ഞു ജനങ്ങൾ…. പോ മോനെ വിജയ എന്നല്ല, ഇറങ്ങി പോ വിജയ….” എന്നാണ് രാഹുൽ മാങ്കൂട്ടത്തിൽ ഫേസ്ബുക്കിൽ കുറിച്ചത്. കഴിഞ്ഞ തിരഞ്ഞെടുപ്പ് കാലത്ത് കോന്നിയിൽ നടന്ന തിരഞ്ഞെടുപ്പ് കൺവെൻഷനിടെ മുഖ്യമന്ത്രി പിണറായി വിജയൻ നടത്തിയ […]

കോഴിക്കോട് : വോട്ടെണ്ണലിന് തുടക്കം കുറിച്ച് സ്‌ട്രോങ് റൂമിൽ നിന്ന് ഇലക്ട്രോണിക് വോട്ടിങ് മെഷീനുകൾ നിരത്തിയപ്പോൾ എല്ലാത്തിലും 99 ശതമാനം ബാറ്ററി ചാർജ് . ഇത് ശ്രദ്ധയിൽപ്പെട്ട കോഴിക്കോട് നോർത്ത് നിയോജകമണ്ഡലം യുഡിഎഫ് സ്ഥാനാർത്ഥി കെ. ജയന്തിന്റെ കൗണ്ടിംഗ് ഏജന്റ് ജെയ്‌സൺ ഇതിൽ സംശയ ഉന്നയിച്ചു. ഒരു പകൽ മുഴുവൻ വോട്ട് രേഖപ്പെടുത്താൻ ഉപയോഗിച്ച യന്ത്രത്തിൽ 99% ബാറ്ററി ചാർജ് ബാക്കിയുണ്ടാവുക എന്നതായിരുന്നു കൗണ്ടിംഗ് ഏജന്റിന്റെ സംശയം. എന്നാൽ, നിലവിലെ വ്യവസ്ഥ അനുസരിച്ച് ഇവിഎം മെഷീന്റെ ബാറ്ററി […]

കൊയിലാണ്ടി നിയമസഭാ മണ്ഡലത്തിലെ വോട്ടെണ്ണൽ പുരോഗമിക്കുമ്പോൾ യുഡിഎഫ് സ്ഥാനാർത്ഥി കെ. പ്രവീൺ കുമാർ വ്യക്തമായ ലീഡുമായി മുന്നേറുന്നു. നിലവിലെ കണക്കുകൾ പ്രകാരം 20,514 വോട്ടുകൾ (12.1% വോട്ട് വിഹിതം) നേടിയാണ് അദ്ദേഹം മണ്ഡലത്തിൽ ലീഡ് നിലനിർത്തുന്നത്. എൽഡിഎഫ് സ്ഥാനാർത്ഥി കെ. ദാസൻ 16,157 വോട്ടുകളുമായി (9.53% വോട്ട് വിഹിതം) രണ്ടാമതുണ്ട്. മണ്ഡലത്തിൽ വോട്ടെണ്ണൽ നടപടികൾ തുടരുകയാണ്. വരും മണിക്കൂറുകളിൽ കൂടുതൽ വ്യക്തത ലഭിക്കും.

കൊയിലാണ്ടി നിയമസഭാ മണ്ഡലത്തിലെ വോട്ടെണ്ണൽ പുരോഗമിക്കവേ യുഡിഎഫ് സ്ഥാനാർത്ഥി കെ. പ്രവീൺ കുമാർ ലീഡ് നിലനിർത്തുന്നു. ആദ്യഘട്ട വോട്ടെണ്ണൽ വിവരങ്ങൾ പ്രകാരം 2,354 വോട്ടുകളുടെ ഭൂരിപക്ഷവുമായാണ് അദ്ദേഹം മണ്ഡലത്തിൽ മുന്നേറുന്നത്. മണ്ഡലത്തിലെ മറ്റ് സ്ഥാനാർത്ഥികളുടെ നിലവിലെ വോട്ട് നില പുറത്തുവരാനിരിക്കുന്നതേയുള്ളൂ. വോട്ടെണ്ണൽ നടപടികൾ തുടരുകയാണ്.

കണ്ണൂർ: വോട്ടെണ്ണൽ പുരോ​ഗമിക്കുമ്പോൾ കണ്ണൂരിലെ സിപിഎം ശക്തി കേന്ദ്രങ്ങളിൽ വോട്ട് ചോർച്ച. മൂന്നാം ഘട്ട വോട്ടുകളും എണ്ണിക്കഴിയുമ്പോഴും ധർമ്മടത്ത് പിണറായി വിജയൻ പിന്നിലാണ്. മൂന്ന് റൗണ്ട് പൂർത്തിയാകുമ്പോൾ പയ്യന്നൂരിൽ എൽഡിഎഫിന് 11000 വോട്ടിന്റെ കുറവാണ് രേഖപ്പെടുത്തിയിട്ടുള്ളത്. 2077 വോട്ടുകൾക്കാണ് പിണറായി വിജയൻ പിന്നിലുള്ളത്. ചെമ്പിലോട് പഞ്ചായത്ത് മുഴുവൻ എണ്ണിക്കഴിഞ്ഞു. വോട്ടെണ്ണൽ അഞ്ചരക്കണ്ടി പഞ്ചായത്തിലേക്ക് കടന്നിരിക്കുകയാണ്.

തിരുവനന്തപുരം: നിയമസഭാ തെരഞ്ഞെടുപ്പ് പുരോ​ഗമിക്കവെ, ബിജെപി നാല് സീറ്റിൽ ലീഡ് തുടരുന്നു. നേമം, പാലക്കാട്, കോഴിക്കോട് സൗത്ത്, തിരുവല്ല എന്നീ സീറ്റുകളിലാണ് എൻഡിഎ മുന്നിൽ നിൽക്കുന്നത്. ഇതിൽ നേമവും പാലക്കാടും ഒഴിച്ച് കോഴിക്കോടും തിരുവല്ലയും അപ്രതീക്ഷിത മുന്നേറ്റമാണ് ലഭിക്കുന്നത്. രാജീവ് ചന്ദ്രശേഖരൻ, ശോഭാ സുരേന്ദ്രൻ, നവ്യ ഹരിദാസ്, അനൂപ് ആന്റണി എന്നിവരാണ് മുന്നിൽ നിൽത്തുന്നത്. എന്നാൽ, കാസർകോട് ആദ്യഘട്ടത്തിൽ മുന്നിലായിരുന്നെങ്കിലും പിന്നീട് പിന്നിലേക്ക് പോയി. ഏറെ പ്രതീക്ഷയുണ്ടായിരുന്ന കഴക്കൂട്ടത്ത് പിന്നിലാണ്.  

നിയമസഭാ തിരഞ്ഞെടുപ്പ് വോട്ടെണ്ണൽ പുരോഗമിക്കുമ്പോൾ വടകര, കുറ്റ്യാടി, നാദാപുരം മണ്ഡലങ്ങളിൽ നിന്നുള്ള നിലവിലെ ലീഡ് നില താഴെ പറയുന്നതാണ്: വടകര കെ.കെ. രമ (UDF): 21,711 വോട്ടുകൾ (15.44%) – മുൻപിൽ എം.കെ. ഭാസ്കരൻ (LDF): 16,916 വോട്ടുകൾ (12.03%) കെ. ദിലീപ് (NDA): 3,925 വോട്ടുകൾ (2.79%) കുറ്റ്യാടി പാറക്കൽ അബ്ദുള്ള (UDF): 10,052 വോട്ടുകൾ (5.75%) – മുൻപിൽ കെ.പി. കുഞ്ഞമ്മദ് കുട്ടി (LDF): 8,864 വോട്ടുകൾ (5.07%) രാമദാസ് മണലേറി (NDA): 2,202 […]

നിയമസഭാ തെരഞ്ഞെടുപ്പിൽ വോട്ടെണ്ണലിന്റെ ആദ്യ മണിക്കൂറിൽ യുഡിഎഫിന് വ്യക്തമായ മുൻതൂക്കമാണ് നേടാനായിട്ടുള്ളത്. 97 സീറ്റുകളിൽ യുഡിഎഫും 38 സീറ്റുകളിൽ എൽഡിഎഫും 4 സീറ്റുകളിൽ ബിജെപിയും ലീഡ് നേടിയിട്ടുണ്ട്.നിയമസഭാ തെരഞ്ഞെടുപ്പ് വോട്ടെണ്ണൽ ആദ്യ റൗണ്ട് പിന്നിട്ടപ്പോൾ ധർമ്മടത്ത് മുഖ്യമന്ത്രി പിണറായി വിജയൻ പിന്നിൽ. 2500 വോട്ടിന് ലീഡ് നേടി യുഡിഎഫ് സ്ഥാനാർത്ഥി വിപി അബ്ദുൽ റഷീദ് ലീഡ് ചെയ്യുകയാണ്. വടക്കൻ പറവൂരിൽ വി‍ഡി സതീശൻ 243 വോട്ടുകൾക്ക് പിന്നിൽ. ആദ്യ മണിക്കൂറിൽ ലീഡിൽ കുതിച്ച് ചാണ്ടി ഉമ്മൻ മുന്നേറുകയാണ്. […]

വടകര നിയമസഭാ മണ്ഡലത്തിൽ വോട്ടെണ്ണൽ പുരോഗമിക്കുമ്പോൾ യുഡിഎഫ് സ്ഥാനാർത്ഥി കെ.കെ. രമ വ്യക്തമായ ഭൂരിപക്ഷത്തോടെ മുന്നേറുന്നു. എൽഡിഎഫ് സ്ഥാനാർത്ഥി എം.കെ. ഭാസ്കരനെ ബഹുദൂരം പിന്നിലാക്കിയാണ് രമയുടെ കുതിപ്പ്. നിലവിലെ വോട്ട് നില: കെ.കെ. രമ (UDF): 15,888 വോട്ടുകൾ എം.കെ. ഭാസ്കരൻ (LDF): 13,080 വോട്ടുകൾ കെ. ദിലീപ് (NDA): 3,208 വോട്ടുകൾ മണ്ഡലത്തിൽ വോട്ടെണ്ണൽ തുടരുമ്പോൾ യുഡിഎഫ് ക്യാമ്പുകളിൽ ആവേശം ഇരട്ടിക്കുകയാണ്.

പേരാമ്പ്ര നിയമസഭാ മണ്ഡലത്തിൽ വോട്ടെണ്ണൽ പുരോഗമിക്കുമ്പോൾ യുഡിഎഫ് സ്ഥാനാർത്ഥി ഫാത്തിമ തഹലിയ ലീഡ് നില വർദ്ധിപ്പിക്കുന്നു. നിലവിലെ വോട്ടെണ്ണൽ വിവരങ്ങൾ പ്രകാരം 5,500 വോട്ടുകൾക്കാണ് അവർ മുന്നിട്ടുനിൽക്കുന്നത്. മണ്ഡലത്തിൽ വോട്ടെണ്ണൽ തുടരുമ്പോൾ യുഡിഎഫ് ക്യാമ്പുകളിൽ ആവേശം ഉയരുകയാണ്.