ഇരിങ്ങൽ: കേരള സ്റ്റേറ്റ് സർവ്വീസ് പെൻഷനേഴ്സ് യൂണിയൻ ഇരിങ്ങൽ യൂനിറ്റിൻ്റെ ആഭിമുഖ്യത്തിൽ സർവ്വീസ് പെൻഷൻകാരുടെ കുടുംബ സംഗമം നടത്തി. ഇരിങ്ങൽ താഴെ കളരി യു.പി.സ്ക്കൂളിൽ വെച്ച് നടന്ന കുടുംബ സംഗമത്തിൽ യൂനിറ്റ് ജോയിൻ്റ് സെക്രട്ടറി വി.കെ നാസർ സ്വാഗതം പറഞ്ഞു. യൂനിറ്റ് പ്രസിഡണ്ട് കെ.ടി. കേളപ്പൻ അദ്ധ്യക്ഷതവഹിച്ചു.
പയ്യോളി നഗരസഭ കൗൺസിലർ കെ.കെ. സ്മിതേഷ് കുടുംബ സംഗമം ഉദ്ഘാടനം ചെയ്തു. എഴുത്തുകാരനും, പ്രഭാഷകനുമായ ശശികുമാർ പുറമേരി സാംസ്കാരിക പ്രഭാഷണം നടത്തി. വി.പി. നാണു മാസ്റ്റർ (കെ എസ് എസ് പി യു ജില്ലാ കമ്മിറ്റി അംഗം) കെ. ശശിധരൻമാസ്റ്റർ (കെ എസ് എസ് പി യു മേലടി ബ്ലോക്ക് പ്രസിഡണ്ട്) എം.ടി. നാണുമാസ്റ്റർ (കെ എസ് എസ് പി യു ജില്ലാ കൗൺസിലർ) എന്നിവർ ആശംസ അർപ്പിച്ചു സംസാരിച്ചു .പി.വി. ബാബു നന്ദി പറഞ്ഞു. പെൻഷൻ കുടുംബാംഗങ്ങളുടെ കലാപരിപാടികൾ നടത്തി.
