തിരുവനന്തപുരം: ഇടതു പാർട്ടികൾക്ക് ലോക്സഭ തെരഞ്ഞെടുപ്പിൽ നിശ്ചിത ശതമാനം വോട്ട് ലഭിച്ചില്ലെങ്കിൽ വലിയ നഷ്ടം സംഭവിക്കുമെന്ന മുന്നറിയിപ്പുമായി കേന്ദ്രകമ്മിറ്റിയംഗം എ.കെ. ബാലൻ. നിശ്ചിത ശതമാനം വോട്ട് ലഭിച്ചില്ലെങ്കിൽ ഇടതു പാർട്ടികൾക്ക് ദേശീയ പാർട്ടിയെന്ന പദവി നഷ്ടമാകും. അപ്പോൾ തെരഞ്ഞെടുപ്പ് ചിഹ്നവും നഷ്ടമാകും. പാർട്ടി ചിഹ്നം നഷ്ടമായാൽ തെരഞ്ഞെടുപ്പ് കമ്മീഷൻ തരുന്ന ഈനാംപേച്ചി, നീരാളി തുടങ്ങിയ ചിഹ്നങ്ങളിൽ മത്സരിക്കേണ്ടി വരുമെന്നും എ.കെ. ബാലൻ മുന്നറിയിപ്പ് നൽകി.
ആ അവസ്ഥ ഉണ്ടാകാതിരിക്കാൻ ജാഗ്രത വേണമെന്നും എ.കെ. ബാലൻ പറഞ്ഞു. കോഴിക്കോട് നടന്ന കെ.എസ്.എഫ്.ഇ ഒാഫിസേഴ്സ് യൂനിയൻ ശിൽപശാലയിലായിരുന്നു ബാലന്റെ പ്രതികരണം.
