കൊയിലാണ്ടി: ലോറിയും ഓട്ടോയും കൂട്ടിയിടിച്ച് അപകടം. ഇന്ന് പുലർച്ചെ 3 മണിയോടുകൂടിയാണ് വെങ്ങളം ബൈപ്പാസിൽ തിരുവങ്ങൂർ അണ്ടി കമ്പനിക്ക് സമീപം കൊയിലാണ്ടിക്ക് വരികയായിരുന്ന ലോറിയും ഓട്ടോയും തമ്മിൽ കൂട്ടിയിടിച്ചത്. ചരക്ക് കയറ്റിയ മിനി ലോറി പുതിയ ദേശീയ പാതയിൽ നിന്നും സർവീസ് റോഡിലേക്ക് കയറ വെ ഡിവൈഡർ ഇടിച്ചു ഓട്ടോയ്ക്ക് മുകളിൽ മറിയുകയായിരുന്നു.
പരിക്കേറ്റ മിനി ലോറിലെയും ഓട്ടോയിലെയും ഡ്രൈവർമാരെ ആശുപത്രിയിൽ എത്തിച്ചു. കൊയിലാണ്ടിയിൽ നിന്നും എത്തിയ അഗ്നിസേനയും
പോലീസും ചേർന്ന് ക്രെയിനിന്റെ സഹായത്തോടുകൂടി അപകടത്തിൽപ്പെട്ട വാഹനങ്ങൾ റോഡി ന്റെവശങ്ങളിലേക്ക് മാറ്റി. അപകടത്തെ
തുടർന്ന് രണ്ടുമണിക്കൂറോളം കൊയിലാണ്ടി ഭാഗത്തേക്കുള്ള ഗതാഗതം തടസ്സപ്പെട്ടു.ഗ്രേഡ് അസിസ്റ്റന്റ് സ്റ്റേഷൻ ഓഫീസർ എം. മജീദിന്റെ നേതൃത്വത്തിൽ എഫ് ആർ ഒ മാരായ കെ , എൻ.രതീഷ്, ഇ എം.,നിധിപ്രസാദ്.എം.,ലിനീഷ്, വി.എസ്അമൽ , ഇ കെ.നിതിൻ രാജ് ഇ കെ,ഇന്ദ്രജിത്ത് ഐ,ഹോംഗാർഡുമാരായ രാജേഷ് കെ പി, രാംദാസ്,ഷൈജു, എന്നിവർ രക്ഷാപ്രവർത്തനത്തിൽ ഏർപ്പെട്ടു.
