കൊച്ചി: വാ​ള​യാ​റി​ൽ സ​ഹോ​ദ​രി​മാ​രാ​യ പെ​ൺ​കു​ട്ടി​ക​ളെ തൂ​ങ്ങി മ​രി​ച്ച നി​ല​യി​ൽ ക​ണ്ട കേ​സി​ൽ പ്രതികളായ മാതാപിതാക്കളുടെ അറസ്റ്റ് തടഞ്ഞ് ഹൈകോടതി. തങ്ങളെ പ്രതികളാക്കി സി.​ബി.​ഐ സ​മ​ർ​പ്പി​ച്ച കു​റ്റ​പ​ത്ര​ങ്ങ​ൾ റ​ദ്ദ് ചെ​യ്ത് പു​ന​ര​ന്വേ​ഷ​ണം ന​ട​ത്ത​ണ​മെ​ന്നാവശ്യപ്പെട്ട് മാതാപിതാക്കൾ നൽകിയ ഹ​ര​ജി​യി​ലാണ് നടപടി. ഒരു നടപടികളും പാടില്ലെന്നാണ് ഹൈകോടതി സിംഗിള്‍ ബെഞ്ചിന്‍റെ നിര്‍ദ്ദേശം. മാതാപിതാക്കള്‍ വിചാരണ കോടതിയില്‍ നേരിട്ട് ഹാജരാകുന്നതിലും ഇളവു നൽകി. ഹരജിയില്‍ ഹൈകോടതി അവധിക്കാലത്തിന് ശേഷം വിശദമായ വാദം കേള്‍ക്കും.

അ​ന്വേ​ഷ​ണ സം​ഘ​ത്തി​ന്‍റെ​യും പ്രോ​സി​ക്യൂ​ഷ​ന്‍റെ​യും വീ​ഴ്ച മൂ​ലം ശ​രി​യാ​യി വി​ചാ​ര​ണ ന​ട​ക്കാ​തെ പ്ര​തി​ക​ളെ​ല്ലാം കു​റ്റ​മു​ക്ത​രാ​ക്ക​പ്പെ​ട്ട കേ​സാ​ണി​തെ​ന്ന് മാതാപിതാക്കളുടെ​ ഹ​ര​ജി​യി​ൽ പ​റ​യു​ന്നു. പി​ന്നീ​ട്​ കോ​ട​തി മു​ഖേ​ന സി.​ബി.​ഐ പു​ന​ര​ന്വേ​ഷ​ണം ന​ട​ത്തി​യെ​ങ്കി​ലും ശ​രി​യാ​യ അ​ന്വേ​ഷ​ണം ന​ട​ത്താ​തെ​യാ​ണ്​ കു​റ്റ​പ​ത്ര​ങ്ങ​ൾ ന​ൽ​കി​യ​ത്. ഈ ​കു​റ്റ​പ​ത്ര​ങ്ങ​ൾ റ​ദ്ദാ​ക്ക​ണം. ശ​രി​യാ​യ അ​ന്വേ​ഷ​ണ​വും ശ​രി​യാ​യ വി​ചാ​ര​ണ​യും രാ​ജ്യ​ത്തെ ഓ​രോ പൗ​ര​ന്‍റെ​യും അ​വ​കാ​ശ​മാ​ണ്. അ​തി​നാ​ൽ, ന​ട​ന്ന​ത്​ കൊ​ല​പാ​ത​ക​മാ​ണെ​ന്ന രീ​തി​യി​ൽ പു​ന​ര​ന്വേ​ഷ​ണം ന​ട​ത്ത​ണം.

കു​ട്ടി​ക​ൾ ആ​ത്മ​ഹ​ത്യ ചെ​യ്ത​ത​ല്ലെ​ന്നും കൊ​ല​പാ​ത​ക​മാ​ണെ​ന്നു​മാ​ണ്​ ഹ​ര​ജി​യി​ലെ വാ​ദം. ​കൊ​ല​പാ​ത​ക​മെ​ന്ന്​ ക​ണ്ടെ​ത്താ​ൻ മ​തി​യാ​യ തെ​ളി​വു​ക​ളു​ണ്ടാ​യി​ട്ടും സി.​ബി.​ഐ അ​ത്​ വേ​ണ്ട​വി​ധം പ​രി​ഗ​ണി​ച്ചി​ല്ല. കു​ട്ടി​ക​ൾ കൊ​ല്ല​പ്പെ​ട്ട​താ​ണെ​ന്ന് തെ​ളി​യി​ക്കു​ന്ന സെ​ലോ​ഫി​ൻ ടെ​സ്റ്റി​ന്‍റെ ഫ​ലം, ഷെ​ഡി​ലെ ഉ​ത്ത​ര​ത്തി​ന്‍റെ ഉ​യ​ര​വും കു​ട്ടി​ക​ളു​ടെ ഉ​യ​ര​വും ത​മ്മി​ലു​ള്ള പൊ​രു​ത്ത​ക്കേ​ടു​ക​ൾ, കൊ​ല​പാ​ത​ക​സാ​ധ്യ​ത അ​ന്വേ​ഷി​ക്ക​ണ​മെ​ന്ന ഫോ​റ​ൻ​സി​ക് സ​ർ​ജ​ന്‍റെ മൊ​ഴി, മൂ​ത്ത കു​ട്ടി കൊ​ല്ല​പ്പെ​ട്ട സ​മ​യ​ത്ത് ര​ണ്ടു​പേ​ർ മു​ഖം മ​റ​ച്ച് പോ​കു​ന്ന​ത് ക​ണ്ടു എ​ന്ന ഇ​ള​യ കു​ട്ടി​യു​ടെ മൊ​ഴി തു​ട​ങ്ങി​യ​വ​യ​ട​ക്കം ചൂ​ണ്ടി​ക്കാ​ട്ടി​യാ​ണ്​ മാ​താ​പി​താ​ക്ക​ൾ ഹൈ​കോ​ട​തി​യെ സ​മീ​പി​ച്ച​ത്.

മ​രി​ച്ച പെ​ൺ​കു​ട്ടി​ക​ളു​ടെ അ​മ്മ​യെ​യും ഇ​ള​യ പെ​ൺ​കു​ട്ടി​യു​ടെ അ​ച്ഛ​നും മൂ​ത്ത കു​ട്ടി​യു​ടെ ര​ണ്ടാ​ന​ച്ഛ​നു​മാ​യ വ്യ​ക്തി​യെ​യും കേ​സി​ൽ ര​ണ്ടും മൂ​ന്നും പ്ര​തി​ക​ളാ​ക്കി​യാ​ണ്​ സി.​ബി.​ഐ കു​റ്റ​പ​ത്രം ന​ൽ​കി​യി​രി​ക്കു​ന്ന​ത്. ലൈം​ഗി​ക പീ​ഡ​ന​ത്തെ​ത്തു​ട​ർ​ന്നു​ണ്ടാ​യ മാ​ന​സി​ക പീ​ഡ​ന​മാ​ണ് വാ​ള​യാ​ർ പെ​ൺ​കു​ട്ടി​ക​ളു​ടെ ആ​ത്മ​ഹ​ത്യ​ക്ക് കാ​ര​ണ​മെ​ന്നാ​യി​രു​ന്നു സി.​ബി.​ഐ ക​ണ്ടെ​ത്ത​ൽ. ആ​ത്മ​ഹ​ത്യ പ്രേ​ര​ണ​ക്കു​റ്റം ഉ​ൾ​െ​പ്പ​ടെ വി​വി​ധ വ​കു​പ്പു​ക​ളാ​ണ് ഇ​വ​ർ​ക്കെ​തി​രെ ചു​മ​ത്തി​യി​ട്ടു​ള്ള​ത്. കു​ട്ടി​ക​ൾ ലൈം​ഗി​ക പീ​ഡ​ന​ത്തി​നി​ര​യാ​യ വി​വ​രം​ അ​മ്മ​ക്ക്​ അ​റി​യാ​മാ​യി​രു​ന്നു​​വെ​ന്നും മ​റ​ച്ചു​വെ​ച്ചു​വെ​ന്നും കു​റ്റ​പ​​​ത്ര​ത്തി​ൽ പ​റ​യു​ന്നു. 13 വ​യ​സ്സു​ള്ള മൂ​ത്ത കു​ട്ടി​യെ 2014 ജ​നു​വ​രി 13നും ​ഒ​മ്പ​തു വ​യ​സ്സു​ള്ള ഇ​ള​യ കു​ട്ടി​യെ 2014 മാ​ർ​ച്ച് നാ​ലി​നും തൂ​ങ്ങി​മ​രി​ച്ച നി​ല​യി​ൽ ക​ണ്ടെ​ത്തു​ക​യാ​യി​രു​ന്നു.