വടകരയില്‍ അയൽവാസിയെ യുവാവ് കുത്തി പരുക്കേൽപിച്ചതായി പരാതി

Apr 16, 2025, 7:42 am GMT+0000 payyolionline.in

വടകര ∙ അയൽവാസിയെ യുവാവ് കുത്തി പരുക്കേൽപ്പിച്ചതായി പരാതി. തിരുവള്ളൂർ മീൻപാലം പുതിയോട്ടിൽ രാമചന്ദ്രൻ (60)നെ അയൽവാസി താഴെ കുന്നോത്ത് സുനിൽകുമാർ (45) തലയ്ക്കു കുത്തി പരുക്കേൽപ്പിച്ചെന്നാണു പരാതി. 14നു രാത്രി 11.30ഓടെയാണു സംഭവം. ഭാര്യ മാത്രമേ വീട്ടിൽ ഉണ്ടായിരുന്നുള്ളൂ. സ്വകാര്യ ആശുപത്രിയിൽ പ്രവേശിപ്പിച്ച രാമചന്ദ്രന്റെ തലയ്ക്ക് 5 തുന്നലുകളുണ്ട്. പരാതി പ്രകാരം സുനിൽകുമാറിനെതിരെ പൊലീസ് കേസ് എടുത്തു. കഴിഞ്ഞ ദിവസം രാത്രി പ്രദേശത്ത് ചീട്ടുകളിച്ചിരുന്ന സംഘത്തെ തേടി പൊലീസ് എത്തിയിരുന്നു. പൊലീസിൽ വിവരം നൽകിയത് സുനിൽകുമാ‍ർ ആണെന്നു കരുതി ചീട്ടുകളി സംഘം രാമചന്ദ്രന്റെ വീടിനു മുന്നിൽ വച്ചു സുനിൽ കുമാറിനെ ചോദ്യം ചെയ്തിരുന്നു. ചീട്ടുകളി സംഘത്തിനു വിവരം നൽകിയത് രാമചന്ദ്രനാണെന്നു കരുതിയ സുനിൽകുമാർ വീട്ടിൽ എത്തി ആക്രമിക്കുകയായിരുന്നുവെന്നു പരാതിയിൽ പറയുന്നു.

പെൻസിലിനെ ചൊല്ലി തർക്കം; സഹപാഠിയെ വെട്ടിയ എട്ടാം ക്ലാസുകാരൻ പിടിയിൽ ‘എടപ്പാടി പളനി സ്വാമിയെ വകവരുത്തും; ആർഡിഎക്സ് വച്ചിട്ടുണ്ട്: റാണ തഹാവൂറിന്റെ ..