ചിങ്ങപുരം : 2022-23 അധ്യയന വർഷത്തെ മൂടാടി പഞ്ചായത്തിലെ മികച്ച കാർഷിക പ്രവർത്തനങ്ങൾക്കുള്ള
കാർഷിക വിദ്യാലയ പുരസ്കാരം വന്മുകം- എളമ്പിലാട് എം.എൽ.പി.സ്കൂളിന് ലഭിച്ചു. കഴിഞ്ഞ അധ്യയന വർഷത്തിൽ സ്കൂൾ പറമ്പിൽ ചെയ്ത ബീറ്റ്റൂട്ട് കൃഷിയിൽ നൂറ് മേനി വിളയിച്ചതാണ് അവാർഡിന് അർഹമാക്കിയത്.
കർഷക ദിനത്തിൽ മൂടാടി പഞ്ചായത്ത് ഹാളിൽ വെച്ച് നടന്ന ചടങ്ങിൽ പഞ്ചായത്ത് പ്രസിഡന്റ് സി.കെ.ശ്രീകുമാറിൽ നിന്ന്
കർഷക ക്ലബ്ബ് ലീഡർ ജെ.എച്ച്. ജാൻവിത്ത്, അസി.ലീഡർ ജസ മറിയം എന്നിവർ ചേർന്ന് പുരസ്കാരം ഏറ്റുവാങ്ങി.
ഇത് മൂന്നാം തവണയാണ് പഞ്ചായത്തിലെ മികച്ച കാർഷിക വിദ്യാലയമായി വന്മുകം- എളമ്പിലാട് എം.എൽ.പി. സ്കൂൾ മാറുന്നത്.
