മാഹി പൊലീസിന്‌ നേരെ വധഭീഷണി: യുവാവ് അറസ്റ്റിൽ

Sep 2, 2023, 3:06 pm GMT+0000 payyolionline.in

തലശേരി: മാഹി പൊലീസിനെ ഫോണിൽ വിളിച്ച്‌ വധഭീഷണി മുഴക്കിയ യുവാവ് അറസ്‌റ്റിൽ. മാഹി വെസ്‌റ്റ്‌പള്ളൂർ ചഞ്ചലസ്‌മൃതിയിൽ അമൽരാജ്‌ എന്ന സച്ചുവിനെ (25)യാണ്‌ പള്ളൂർ പൊലീസ്‌ അറസ്‌റ്റ്‌ ചെയ്‌തത്‌. പള്ളൂർ എസ്‌ഐയെയും മാഹി, പള്ളൂർ സ്‌റ്റേഷനുകളിലും വിളിച്ച്‌ കഴിഞ്ഞ ദിവസമാണ്‌ കാലും കൈയും വെട്ടുമെന്ന്‌ ഭീഷണിപ്പെടുത്തിയത്‌. പള്ളൂരിന്‌ പുറമെ മാഹി സ്‌റ്റേഷനിലും കേസ്‌ രജിസ്‌റ്റർ ചെയ്‌തു. മാഹി കോടതിയിൽ ഹാജരാക്കി റിമാൻഡ്‌ ചെയ്‌തു.