മണിയൂരിലെ സ്വകാര്യ ക്ലിനിക്കായ എലൈറ്റിൽ ഡ്യൂട്ടിക്കിടെ ആറംഗ സംഘം ഡോക്ടറെ ആക്രമിച്ച സംഭവത്തിൽ പ്രതികൾ ബൈക്കിലെത്തിയ സിസിടിവി ദൃശ്യങ്ങൾ പുറത്ത്. ഡോക്ടര്‍ ഗോപു കൃഷ്ണയ്ക്കാണ് പരിക്കേറ്റത്. ഡോക്ടര്‍ ഡ്യൂട്ടി ചെയ്യവേ ആശുപത്രിയിലെത്തിയ ആറംഗസംഘമാണ് ക്രൂരമായി മര്‍ദ്ദിച്ചത്. ആക്രമണത്തിന് പിന്നില്‍ വ്യക്തി വൈരാഗ്യമുണ്ടെന്നാണ് പ്രാഥമിക നിഗമനം. പരിക്കേറ്റ ഡോ. ഗോപു കൃഷ്ണയെ കോഴിക്കോട് മെഡിക്കല്‍ കോളേജ് ആശുപത്രിയില്‍ പ്രവേശിപ്പിച്ചു. പൊലീസ് സ്ഥലത്തെത്തി തുടര്‍നടപടികള്‍ സ്വീകരിച്ചു.
