കൊയിലാണ്ടി : മധ്യവയസ്കൻ കിണറ്റിൽ വീണ് മരിച്ചു. വൈകുന്നേരം അഞ്ചുമണിയോടുകൂടിയാണ് കൊയിലാണ്ടി പൊയിൽക്കാവ് കൊടശ്ശേരി ചാലെക്കുഴിയിൽ ബാലകൃഷ്ണൻ (55) കിണർ വൃത്തിയാക്കുന്നതിനിടെ മരിച്ചത്. വിവരം കിട്ടിയതിനെ തുടർന്ന് കൊയിലാണ്ടിയിൽ നിന്നും അഗ്നിരക്ഷാസേന അസിസ്റ്റന്റ് സ്റ്റേഷൻ ഓഫീസർ അനിൽകുമാർ പിഎമ്മിന്റെ നേതൃത്വത്തിൽ എത്തുകയും ബാലകൃഷ്ണനെ പുറത്തെടുത്ത് ഉടനെ ഹോസ്പിറ്റലിൽ എത്തിച്ചെങ്കിലും മരണപ്പെടുകയായിരുന്നു. ഓക്സിജന്റെ ദൗർലഭ്യം ഉള്ള കിണറാണെന്ന് സംശയിക്കുന്നു.
ഗ്രേഡ് അസിസ്റ്റന്റ് സ്റ്റേഷൻ ഓഫീസർ പി കെ ബാബു,ഫയർ ആൻഡ് റെസ്ക്യു ഓഫീസർമാരായ ഹേമന്ത് ബി, ലിനീഷ്, സുകേഷ്, രജിലേഷ്, നിധിൻരാജ്, ഹോംഗാർഡ് ഓംപ്രകാശ്, പ്രദീപ്‌
എന്നിവർ രക്ഷാപ്രവർത്തനത്തിൽ ഏർപ്പെട്ടു.
