പെരുമ്പാവൂർ മഞ്ഞപ്പെട്ടിയിൽ 18 വയസ്സുകാരി പുഴയിൽ ചാടിയതായി സംശയം. മഞ്ഞപ്പെട്ടി പ്ലാവിട പറമ്പിൽ മണിയുടെ മകൾ സുമയെയാണ് കാണാതായത്.
മാറമ്പിള്ളി പാലത്തിൽ നിന്ന് പെരിയാറിലേക്ക് എടുത്തുചാടിയിട്ടുണ്ടാകാം എന്ന വിവരത്തെ തുടർന്ന് ഫയർ ഫോഴ്സ് തെരച്ചിൽ നടത്തിവരികയാണ്.
എന്നാൽ പുഴയിൽ വെള്ളവും ഒഴുക്കും കൂടുതലായതിനാൽ തിരച്ചിലിനെ ബാധിക്കുന്നുണ്ടെന്ന് ഫയർഫോഴ്സ് അധികൃതർ പറഞ്ഞു. ശനിയാഴ്ചയാണ് പെൺകുട്ടി വീട്ടിൽനിന്ന് പോയത്.
പെൺകുട്ടിയെ കാണാനില്ലെന്ന് വീട്ടുകാർ നൽകിയ പരാതിയിൽ പെരുമ്പാവൂർ പോലീസ് അന്വേഷണം നടത്തിവരവേയാണ് ഞായറാഴ്ച രാവിലെ കുട്ടി പുഴയിലേക്ക് എടുത്തു ചാടുന്നത് കണ്ടതായി നാട്ടുകാരിൽ ഒരാൾ പറയുന്നത്. തുടർന്നാണ് പുഴയിൽ തിരച്ചിൽ ആരംഭിച്ചത്
