പുലർച്ചെ കൂരിയാട് അടിപ്പാതയില്‍ കാറിൽ 3 പേർ; പൊലീസിന് തോന്നിയ സംശയം, മൊത്തം പരിശോധിച്ചു, പിടികൂടിയത് 54.08 ഗ്രാം എംഡിഎംഎ

Aug 19, 2025, 9:18 am GMT+0000 payyolionline.in

മലപ്പുറം: വിപണിയില്‍ രണ്ടക്ഷം രൂപ വിലവരുന്ന 54.08 ഗ്രാം എം. ഡി.എം.എയുമായി മൂന്ന് യുവാക്കളെ ജില്ലാ ആന്റി നര്‍കോട്ടിക് ടീം പിടികൂടി. പ്രതികളില്‍നിന്ന് ഒരു ലക്ഷത്തി അയ്യായിരം രൂപയും പിടിച്ചെടുത്തു. വേങ്ങര, കൂരിയാട് എന്‍എച്ച് 66 ദേശീയപാത കേന്ദ്രീകരിച്ച് പറമ്പില്‍ പീടിക സ്വദേശി ആഷിക് (33), കുന്നുംപുറം സ്വദേശികളായ സുധിന്‍ ലാല്‍ (23) അക്ഷയ് (23) എന്നിവരെയാണ് ജില്ലാ നര്‍കോട്ടിക് സെല്‍ സബ്ഇന്‍സ്‌പെക്ടര്‍ ജസ്റ്റിന്റെ നേതൃത്വത്തില്‍ മലപ്പുറം ഡാന്‍സഫ് ടീമും വേങ്ങര പൊലീസും ചേര്‍ന്ന് തിങ്കളാഴ്ച പുലര്‍ച്ചെ ദേശീയപാത കൂരിയാട് അടിപ്പാതയില്‍ നിന്ന് പിടികൂടിയത്. വില്‍പന നടത്തുന്നതിനായി ഉപയോഗിച്ച കാറും പിടികൂടി.

2021ല്‍ കോഴിക്കോട് പൊലീസ് ആഷിക്കിനെ രാസ ലഹരിയുമായി പിടികൂടിയിരുന്നു. ഈ കേസില്‍ ജാമ്യത്തില്‍ ഇറ ങ്ങിയാണ് വീണ്ടും വില്‍പനയില്‍ സജീവമായത്. മലപ്പുറം ഡിവൈ.എസ്പി കെ.എം. ബിജു നാര്‍കോട്ടിക് സെല്‍ ഡിവൈ.എസ്.പി സിബി. വേങ്ങര പൊലീസ് ഇന്‍സ്‌പെക്ടര്‍ രാജേന്ദ്രന്‍ നായര്‍, സ്മിത, ബിന്ദു സെബാസ്റ്റ്യന്‍, സുനൂപ്, ധനേഷ്, ദിനേഷ്, മുഹമ്മദ് സലീം, ജസീര്‍, ആസിഫലി, ബിജു പ്രശാന്ത് എ ന്നിവരടങ്ങിയ സംഘമാണ് പ്രതി കളെ പിടികൂടിയത്.

താൽപര്യത്തിന് അനുസരിച്ച് കസ്റ്റമൈസ് ചെയ്യാം, മലപ്പുറത്തെ ഓണവിപണിയിലേക്ക് ആദ്യ .. കൂട്ടുകാർക്കൊപ്പം ഇരിക്കുമ്പോൾ കാൽവഴുതി വെള്ളത്തിലേക്ക് വീണു; പൂവപ്പുഴ തടയണയി ..