- ഈ വിവാഹ സീസണിലും സ്വർണ വിലക്ക് കുറവൊന്നുമില്ല. ഇന്നും ശക്തിയാർജ്ജിച്ച് സ്വർണം. ഇന്നത്തെ വിലക്കയറ്റത്തോടെ വില 64,000 കടന്നു. ഇനി 65,000 ഭേദിക്കാനും കാലതാമസമില്ല. സ്വർണാഭരണങ്ങൾ വാങ്ങാൻ കാത്തിരുന്നിട്ട് കാര്യമില്ല, കത്തിക്കയറുന്ന വില സാധാരണക്കാർക്ക് വെല്ലുവിളിയാവുന്നു. ഇന്ന് കേരളത്തിൽ ഒരു പവന് 520 രൂപയാണ് ഉയർന്നത്. ഇതോടെ സ്വർണം പവന് 64,280 രൂപയായി. അതായത് മൂന്ന് ദിവസം കൊണ്ട് പവന് 1169 രൂപയാണ് ഉയർന്നത്.
ഇന്നത്തെ സ്വർണ വില ഇന്ന് ഒരു ഗ്രാമിന് 65 രൂപ വർദ്ധിച്ച് 8035 രൂപയായി. പവന് 520 രൂപ വർദ്ധിച്ച് 64,280 രൂപയായി. ഇന്നത്തെ വിലപ്രകാരം 10 ഗ്രാം സ്വർണം വാങ്ങാൻ 80,350 രൂപയാവുന്നു. 24 കാരറ്റ് സ്വർണത്തിന് ഒരു ഗ്രാമിന് 8765 രൂപയും പവന് 70,120 രൂപയുമാവുന്നു. 18 കാരറ്റിന് ഒരു ഗ്രാമിന് 6574 രൂപയും പവന് 52,592 രൂപയുമാണ്.
