തി​രു​വ​ന​ന്ത​പു​രം: സം​സ്ഥാ​ന​ത്ത്​ ര​ണ്ടു​ ദി​വ​സ​മാ​യി തു​ട​രു​ന്ന ക​ന​ത്ത​മ​ഴ​യി​ൽ വ്യാ​പ​ക​നാ​ശം. ര​ണ്ടു പേ​ർ മ​രി​ച്ചു. നി​ര​വ​ധി വീ​ടു​ക​ൾ ത​ക​ർ​ന്നു. ചാ​ല​ക്കു​ടി​യി​ലു​ണ്ടാ​യ മി​ന്ന​ൽ​ച്ചു​ഴ​ലി​യി​ൽ നി​ര​വ​ധി മ​ര​ങ്ങ​ൾ ക​ട​പു​ഴ​കി. ക​ണ്ണൂ​രി​ൽ വെ​ള്ള​ക്കെ​ട്ടി​ൽ മ​ധ്യ​വ​യ​സ്ക​നെ മ​രി​ച്ച​നി​ല​യി​ൽ ക​ണ്ടെ​ത്തി. ക​ണ്ണൂ​ർ സി​റ്റി നാ​ലു​വ​യ​ൽ കോ​ണ​ത്ത് താ​ഴ​ത്ത് വീ​ട്ടി​ൽ ബ​ഷീ​റാ​ണ് (50) മ​രി​ച്ച​ത്. സി​റ്റി നാ​ലു​വ​യ​ൽ റോ​ഡി​ൽ ഉ​ച്ച​ക്ക് ഒ​ന്ന​ര​യോ​ടെ​യാ​ണ് സം​ഭ​വം. കോ​ഴി​ക്കോ​ട്ട് ചൊ​വ്വാ​ഴ്ച ഇ​രു​വ​ഴി​ഞ്ഞി​പ്പു​ഴ​യി​ൽ ഒ​ഴു​ക്കി​ൽ​പെ​ട്ട് കാ​ണാ​താ​യ കൊ​ടി​യ​ത്തൂ​ർ കാ​ര​ക്കു​റ്റി സ്വ​ദേ​ശി സി.​കെ. ഉ​സ്സ​ൻ​കു​ട്ടി​ക്കാ​യി (65) തി​ര​ച്ചി​ൽ തു​ട​രു​ന്ന​തി​നി​ടെ ബു​ധ​നാ​ഴ്ച ര​ണ്ടു​പേ​രെ കൂ​ടി കാ​ണാ​താ​യി. വ​ട​ക​ര അ​ഴി​യൂ​ർ കോ​റോ​ത്ത് റോ​ഡി​ൽ സ​ലീ​ഷ് കു​മാ​റി​യെും (42), ചോ​റോ​ട് പു​ളി​യു​ള്ള​തി​ൽ ബി​ജീ​ഷി​നെ​യു​മാ​ണ് (22) കാ​ണാ​താ​യ​ത്. ചൊ​വ്വാ​ഴ്ച അ​മ്പ​ല​പ്പു​ഴ തോ​ട്ട​പ്പ​ള്ളി പൊ​ഴി​യി​ൽ വ​ള്ളം മ​റി​ഞ്ഞ് കാ​ണാ​താ​യ ബി​ഹാ​ർ സ്വ​ദേ​ശി രാ​ജ് കു​മാ​റി​ന്‍റെ (23) മൃ​ത​ദേ​ഹം ക​ണ്ടെ​ത്തി. ഇ​ന്ത്യ​ൻ റെ​യ​ർ എ​ർ​ത്ത്​​സ്​ ക​മ്പ​നി​യി​ലെ എ​ക്സ്ക​വേ​റ്റ​ർ ജീ​വ​ന​ക്കാ​ര​നാ​ണ് ബു​ധ​നാ​ഴ്ച രാ​വി​ലെ പൊ​ഴി​യു​ടെ തെ​ക്ക് ഭാ​ഗ​ത്തു​നി​ന്ന് ക​ണ്ടെ​ത്തി​യ​ത്. സം​സ്ഥാ​ന​ത്ത് വ​ൻ കൃ​ഷി നാ​ശവും സം​ഭ​വി​ച്ചു. മ​രം വീ​ണ് പലയിടത്തും റോ​ഡ് ഗ​താ​ഗ​തം ത​ട​സ്സ​പ്പെ​ട്ടു. വൈ​ദ്യു​തി​ബ​ന്ധ​ം നി​ല​ച്ചു. ജ​ല​നി​ര​പ്പ് ഉ​യ​ർ​ന്ന​തി​നാ​ൽ ഡാ​മു​ക​ൾ തു​റ​ന്നു വി​ട്ടു.

ഇ​തു​വ​രെ 14 വീ​ടു​ക​ൾ പൂ​ർ​ണ​മാ​യി ത​ക​ർ​ന്നു. 398 വീ​ടു​ക​ൾ​ക്കു കേ​ടു​പാ​ടു​ക​ൾ പ​റ്റി. 64 ദു​രി​താ​ശ്വാ​സ ക്യാ​മ്പു​ക​ളി​ലാ​യി 1154 പേ​രെ മാ​റ്റി​പ്പാ​ർ​പ്പി​ച്ചു. അ​തി​ശ​ക്ത മ​ഴ തു​ട​രാ​നു​ള്ള സാ​ധ്യ​ത മു​ൻ​നി​ർ​ത്തി വ്യാ​ഴാ​ഴ്ച ഇ​ടു​ക്കി, മ​ല​പ്പു​റം, കോ​ഴി​ക്കോ​ട്, വ​യ​നാ​ട്, ക​ണ്ണൂ​ർ, കാ​സ​ർ​കോ​ട്​ ജി​ല്ല​ക​ളി​ൽ കേ​ന്ദ്ര കാ​ലാ​വ​സ്ഥ വ​കു​പ്പ് ഓ​റ​ഞ്ച് അ​ല​ർ​ട്ട് പ്ര​ഖ്യാ​പി​ച്ചു.

പ​ത്ത​നം​തി​ട്ട, ആ​ല​പ്പു​ഴ, കോ​ട്ട​യം ജി​ല്ല​ക​ളി​ലാ​ണ്​ മ​ഴ​ക്കെ​ടു​തി രൂ​ക്ഷം. പ​ത്ത​നം​തി​ട്ട​യി​ൽ 27 ക്യാ​മ്പു​ക​ൾ തു​റ​ന്നു. തൃ​ശൂ​രി​ൽ മൂ​ന്നും എ​റ​ണാ​കു​ള​ത്ത് ര​ണ്ടും മ​ല​പ്പു​റം, കാ​സ​ർ​കോ​ട്​ ജി​ല്ല​ക​ളി​ൽ ഒ​ന്നു വീ​ത​വും ക്യാ​മ്പു​ക​ൾ തു​റ​ന്നു. ക​ണ്ണൂ​ർ ജ​യി​ലി​ലെ സു​ര​ക്ഷ മ​തി​ൽ മ​ഴ​യി​ൽ ത​ക​ർ​ന്നു. തൃ​ശൂ​ർ ജി​ല്ല​യി​ലെ ചാ​ല​ക്കു​ടി​യി​ൽ ആ​ഞ്ഞ​ടി​ച്ച മി​ന്ന​ൽ​ച്ചു​ഴ​ലി​യി​ൽ അ​ഞ്ഞൂ​റി​ലേ​റെ മ​ര​ങ്ങ​ൾ നി​ലം​പൊ​ത്തു​ക​യും ര​ണ്ടാ​യി​ര​ത്തി​ലേ​റെ വാ​ഴ​ക​ൾ ന​ശി​ക്കു​ക​യും ചെ​യ്തു. മി​ന്ന​ല്‍ ചു​ഴ​ലി​യി​ലും തീ​വ്ര മ​ഴ​യി​ലും വൈ​ദ്യു​തി​വി​ത​ര​ണ ശൃം​ഖ​ല​ക്ക്​ വ​ലി​യ നാ​ശം സം​ഭ​വി​ച്ചെ​ന്ന്​ കെ.​എ​സ്.​ഇ.​ബി അ​റി​യി​ച്ചു. തൃ​ക്കൂ​ർ പ​ഞ്ചാ​യ​ത്തി​ലെ വി​വി​ധ​യി​ട​ങ്ങ​ളി​ലും സ​മീ​പ​പ്ര​ദേ​ശ​ങ്ങ​ളി​ലും നേ​രി​യ ഭൂ​ച​ല​നം അ​നു​ഭ​വ​പ്പെ​ട്ടു. മ​​ഴ​ക്കെ​ടു​തി​യി​ൽ പ​ത്ത​നം​തി​ട്ട തി​രു​വ​ല്ല​യി​ൽ നി​ര​ണം പ​ന​ച്ചി​മൂ​ട് എ​സ് മു​ക്ക് ജ​ങ്​​ഷ​നു സ​മീ​പ​ത്തെ ഏ​ക​ദേ​ശം 135 വ​ർ​ഷം പ​ഴ​ക്ക​മു​ള്ള സി.​എ​സ്.​ഐ പ​ള്ളി ത​ക​ർ​ന്നു.

കാ​ലാ​വ​സ്ഥ മോ​ശ​മാ​യ​തി​നാ​ൽ കേ​ര​ള-​ക​ർ​ണാ​ട​ക-​ല​ക്ഷ​ദ്വീ​പ് തീ​ര​ങ്ങ​ളി​ൽ മ​ത്സ്യ​ബ​ന്ധ​ന​ത്തി​നു പോ​ക​രു​തെ​ന്നും കേ​ന്ദ്ര കാ​ലാ​വ​സ്ഥ വ​കു​പ്പ് അ​റി​യി​ച്ചി​ട്ടു​ണ്ട്. ആ​ല​പ്പു​ഴ​യി​ൽ ശി​ക്കാ​ര വ​ള്ള​ങ്ങ​ൾ, മോ​ട്ടോ​ർ ബോ​ട്ടു​ക​ൾ, സ്പീ​ഡ് ബോ​ട്ടു​ക​ൾ, ക​യാ​ക്കി​ങ്​ ബോ​ട്ടു​ക​ൾ എ​ന്നി​വ​യു​ടെ സ​ർ​വി​സ് നി​ർ​ത്തി വെ​ക്കാ​ൻ ക​ല​ക്ട​ർ നി​ർ​ദേ​ശം ന​ൽ​കി.