തേങ്ങാപ്പാലും മുട്ടയും ഒന്നും ഇല്ലാതെ ഞൊടിയിടയില്‍ മധുരംകിനിയും അച്ചപ്പം തയ്യാറാക്കിയാലോ ? കുട്ടികള്‍ക്കും മുതിര്‍ന്നവര്‍ക്കും ഇത് നന്നായി ഇഷ്ടപ്പെടും. നല്ല കിടിലന്‍ രുചിയില്‍ അച്ചപ്പം തയ്യാറാക്കുന്നത് എങ്ങനെയെന്ന് നോക്കാം.
ചേരുവകള്‍
അരിപ്പൊടി – 1 കപ്പ്
പഞ്ചസാര – 3-4 ടേബിള്‍സ്പൂണ്‍
കറുത്ത എള്ള് – 1 ടേബിള്‍സ്പൂണ്‍
മൈദപ്പൊടി – 2 ടേബിള്‍സ്പൂണ്‍
ഉപ്പ് – 1 നുള്ള്
പാല്‍ – 1 & 1/4 കപ്പ്
തയ്യാറാക്കുന്ന വിധം
അരിപ്പൊടിയും, പഞ്ചസാരയും, മൈദയും, ഉപ്പും മിക്‌സിയില്‍ ഇട്ട് പൊടിക്കുക
ശേഷം ഇതിലേക്ക് പാല്‍ കൂടെ ഒഴിച്ച് നന്നായി അരച്ചെടുക്കുക.
അയഞ്ഞ പരുവത്തില്‍ കലക്കി എടുക്കുക.
ശേഷം ഇതിലേക്ക് എള്ള് കൂടെ ചേര്‍ക്കുക
( അച്ചില്‍ അച്ചപ്പം ഉണ്ടാക്കുന്നതിന് തലേദിവസം നന്നായി കഴുകി തുടച്ച് വെളിച്ചെണ്ണ തടവി വെയിലത്ത് വെയ്ക്കണം )
എണ്ണ ചൂടാകുമ്പോള്‍ അച്ചില്‍ മാവെടുത്ത് അച്ചപ്പം ഓരോന്നായി ചുട്ടെടുക്കുക
