തുറയൂർ : തുറയൂർ ബി ടി എം ഹയർ സെക്കൻഡറി സ്കൂളിലെ പരിസ്ഥിതി ദിനാഘോഷം വൈവിധ്യമാർന്ന പരിപാടികളോടെ നടത്തി. പ്ലാസ്റ്റിക് നിർമാർജന പരിപാടികൾക്ക് തുടക്കമായി. സ്കൂൾ പരിസരത്ത് സേവനമനുഷ്ഠിക്കുന്ന ഹരിത കർമ്മ സേന പ്രവർത്തകരായ റീജ, ഗീത എന്നിവരെ അസംബ്ലിയിൽ ആദരിച്ചു.
ഹെഡ്മിസ്ട്രസ് പി. കെ സുചിത്ര ഉദ്ഘാടനം നിർവഹിച്ചു. സി എ നൗഷാദ് മാസ്റ്റർ അധ്യക്ഷം വഹിച്ചു. പരിസ്ഥിതി ക്ലബ്ബ് കൺവീനർ കെ പി സരൂപ , എസ് ആർ ജി കൺവീനർ നിസാർ എം സി ,സീഡ് ക്ലബ് കോർഡിനേറ്റർ അശ്വിൻ ബി എന്നിവർ സംസാരിച്ചു.വിദ്യാർത്ഥികൾക്ക്‌ 8 ഡി ക്ലാസ്സിലെ നിഹ റോസ് ലഹരി വിരുദ്ധ പ്രതിജ്ഞ ചൊല്ലുകയും ചെയ്തു. പരിസ്ഥിതി ദിന ക്വിസ് മത്സരo നടത്തുകയും ചെയ്തു.
