തി​രൂ​ർ: തെ​ര​ഞ്ഞെ​ടു​പ്പ് വി​ജ​യാ​ഹ്ലാ​ദ പ്ര​ക​ട​ന​ങ്ങ​ൾ​ക്ക് തി​രൂ​ർ പൊ​ലീ​സ് സ്റ്റേ​ഷ​ൻ പ​രി​ധി​യി​ൽ നി​യ​ന്ത്ര​ണം. ചൊ​വ്വാ​ഴ്ച വി​ജ​യി​ച്ച രാ​ഷ്ട്രീ​യ ക​ക്ഷി​യു​ടെ ആ​ഹ്ലാ​ദ​പ്ര​ക​ട​നം ന​ട​ത്താ​നും ബു​ധ​നാ​ഴ്ച പാ​ർ​ല​മെ​ന്റ് ഭ​ര​ണം കി​ട്ടി​യ രാ​ഷ്ട്രീ​യ ക​ക്ഷി​യു​ടെ ആ​ഹ്ലാ​ദ​പ്ര​ക​ട​നം ന​ട​ത്താ​നു​മാ​ണ് സ​ർ​വ​ക​ക്ഷി യോ​ഗം തീ​രു​മാ​നി​ച്ച​ത്.

ആ​റ് മു​ത​ൽ ആ​ഹ്ലാ​ദ​പ്ര​ക​ട​നം ന​ട​ത്താ​ൻ പൊ​ലീ​സ് അ​നു​മ​തി വേ​ണം. എ​ല്ലാ ക​ക്ഷി​ക​ളും പ്ര​കോ​പ​ന​മി​ല്ലാ​തെ പ്ര​ക​ട​നം ന​ട​ത്തു​മെ​ന്നും സ​മാ​ധാ​നാ​ന്ത​രീ​ക്ഷ​ത്തി​ന് ഭം​ഗം വ​രു​ത്തി​ല്ലെ​ന്നും പൊ​ലീ​സ് സ്റ്റേ​ഷ​നി​ൽ ന​ട​ന്ന സ​ർ​വ​ക​ക്ഷി യോ​ഗ​ത്തി​ൽ തീ​രു​മാ​നി​ച്ചി​രു​ന്നു.

അ​തേ​സ​മ​യം, വോ​ട്ടെ​ണ്ണ​ൽ ദി​ന​മാ​യ ചൊ​വ്വാ​ഴ്ച തി​രൂ​ർ ന​ഗ​ര​ത്തി​ലും പ​രി​സ​ര​പ്ര​ദേ​ശ​ങ്ങ​ളി​ലും വാ​ഹ​ന ഗ​താ​ഗ​ത​ത്തി​നും പൊ​ലീ​സ് നി​യ​ന്ത്ര​ണം ഏ​ർ​പ്പെ​ടു​ത്തി. താ​ഴെ​പ്പാ​ലം മു​ത​ൽ ബി.​പി അ​ങ്ങാ​ടി വ​രെ റോ​ഡ​രി​കി​ൽ പാ​ർ​ക്കി​ങ് അ​നു​വ​ദി​ക്കു​ന്ന​ത​ല്ല. പൊ​ന്നാ​നി ഭാ​ഗ​ത്തു​നി​ന്ന് കോ​ഴി​ക്കോ​ട് ഭാ​ഗ​ത്തേ​ക്ക് പോ​കു​ന്ന ഹെ​വി വാ​ഹ​ന​ങ്ങ​ൾ കു​റ്റി​പ്പു​റം ദേ​ശീ​യ​പാ​ത വ​ഴി​യും കോ​ഴി​ക്കോ​ട് ഭാ​ഗ​ത്ത് നി​ന്ന് തി​രൂ​ർ ഭാ​ഗ​ത്തേ​ക്ക് വ​രു​ന്ന വ​ലി​യ വാ​ഹ​ന​ങ്ങ​ൾ ചേ​ളാ​രി​യി​ൽ നി​ന്നും ദേ​ശീ​യ​പാ​ത വ​ഴി​യും തി​രി​ഞ്ഞു​പോ​കേ​ണ്ട​താ​ണ്.

ച​മ്ര​വ​ട്ടം ഭാ​ഗ​ത്തു​നി​ന്ന് വ​രു​ന്ന ചെ​റി​യ വാ​ഹ​ന​ങ്ങ​ൾ ആ​ല​ത്തി​യൂ​ർ-​മം​ഗ​ലം വ​ഴി ബീ​ച്ച് റോ​ഡി​ലൂ​ടെ ഉ​ണ്യാ​ൽ വ​ഴി താ​നൂ​ർ ഭാ​ഗ​ത്തേ​ക്കും താ​നൂ​ർ ഭാ​ഗ​ത്തു​നി​ന്ന് വ​രു​ന്ന വാ​ഹ​ന​ങ്ങ​ൾ തി​രൂ​ർ ന​ഗ​ര​ത്തി​ൽ പ്ര​വേ​ശി​ക്കാ​തെ ഉ​ണ്യാ​ൽ ബീ​ച്ച് റോ​ഡ് വ​ഴി മം​ഗ​ലം-​ച​മ്ര​വ​ട്ടം വ​ഴി​യും പോ​ക​ണം. വൈ​ല​ത്തൂ​ർ ഭാ​ഗ​ത്തു​നി​ന്ന് വ​രു​ന്ന വാ​ഹ​ന​ങ്ങ​ൾ പു​ല്ലൂ​ർ-​തെ​ക്ക​ൻ കു​റ്റൂ​ർ വ​ഴി​യും പോ​ക​ണ​മെ​ന്ന് തി​രൂ​ർ പൊ​ലീ​സ് അ​റി​യി​ച്ചു.