കൊയിലാണ്ടി: ചേമഞ്ചേരിയിൽ കൊയിലാണ്ടി എക്‌സൈസ് സംഘം നടത്തിയ റെയ്ഡിൽ വൻതോതിൽ മാഹി മദ്യവുമായി തെലങ്കാന സ്വദേശി പിടിയിലായി. സിൽസില ജില്ലയിലെ മുഷ്ടിപള്ളി വില്ലേജ് രാജീവ്നഗർ സ്വദേശി രമേഷിനെ (33) ആണ് എക്സൈസ് സംഘം അറസ്റ്റ് ചെയ്തത്. ഇയാളിൽ നിന്നും 9.5 ലിറ്റർ മാഹി മദ്യം പിടിച്ചെടുത്തു.കൊയിലാണ്ടി എക്സൈസ് റേഞ്ച് ഇൻസ്പെക്ടർ കെ. സമേഷിന്റെ നേതൃത്വത്തിലായിരുന്നു പരിശോധന. രഹസ്യ വിവരത്തെത്തുടർന്ന് നടത്തിയ റെയ്ഡിലാണ് പ്രതി വലയിലായത്. ഇയാൾ മദ്യം എത്തിച്ചത് വിൽപനയ്ക്കായിരുന്നോ എന്നതടക്കമുള്ള കാര്യങ്ങൾ എക്സൈസ് പരിശോധിച്ചുവരികയാണ്