മണിയൂർ: ചെരണ്ടത്തൂർ മൂഴിക്കൽ ഭഗവതി ക്ഷേത്ര തിറ മഹോത്സവത്തിന് ഡിസംബർ 23 വൈകുന്നേരം 5 മണിക്ക് കൊടിയേറും. ഡിസംബർ 27ന് രാത്രി 7 മണിക്ക് പ്രദേശത്തുള്ള കലാകാരന്മാർ അവതരിപ്പിക്കുന്ന നൃത്ത സന്ധ്യ അരങ്ങേറും.

28ന്  കലവറ നിറയ്ക്കാൻ 6 മണിക്ക് ദീപാരാധന , അരി ചാർത്തൽ,7:00 മണിക്ക് നട്ടത്തിറ കെട്ടിയാടും. 29ന് വൈകുന്നേരം 6 മണിക്ക് ഹരിശ്രീ കലാസമിതി തേഞ്ഞിപ്പാലം അവതരിപ്പിക്കുന്ന ഡിജിറ്റൽ മിറർ ഡാൻസിന്റെയും കോഴിക്കോട് കളിയാട്ട കലാസമിതിയുടെ ശിങ്കാരിമേളത്തിന്റെയും അകമ്പടിയോടെയുള്ള താലപ്പൊലി എഴുന്നള്ളത്തും തുടർന്ന് രാത്രി 7 മണി മുതൽ ദൈവങ്ങളുടെ വെള്ളാട്ടങ്ങളും കുട്ടിച്ചാത്തന്റെ കനലാട്ടവും നടക്കും. ഡിസംബർ 30ന് കാലത്ത് 6 മണി മുതൽ ദൈവങ്ങളുടെ തിറയാട്ടങ്ങളും ഉച്ചയ്ക്ക് 12 മണി മുതൽ അന്നദാനവും നടക്കുന്നതാണ്.