കോഴിക്കോട് : കാരന്തൂരിലെ ടൂറിസ്റ്റ് ഹോമിൽ നിന്നും 221.89 ഗ്രാം എം ഡി എം എ പിടിച്ച കേസ്സിലെ അഞ്ചാം പ്രതിയായ മെഡിക്കൽ കോളേജ് വെള്ളിപറമ്പ് സ്വദേശി പടിഞ്ഞാറെ നടുവത്ത് വീട്ടിൽ റിഥു ബർഷാദ് (29 )നെയാണ് കുന്ദമംഗലം പോലീസ് പിടികൂടിയത്.
ജനുവരി 21 ന് രജിസ്റ്റർ ചെയ്ത ഈ കേസ്സിൽ ഉൾപ്പെട്ട പ്രതി വിദേശത്തേക്ക് മുങ്ങിയതിനെ തുടർന്ന് പ്രതിക്കെതിരെ കുന്ദമംഗലം പോലീസ് എൽ ഒ സി പുറപ്പെടുവിക്കുകയായിരുന്നു .
ഇന്ന് കോഴിക്കോട് കരിപ്പൂർ എയർപോർട്ടിൽ വന്നിറങ്ങിയ പ്രതിയെ എമിഗ്രേഷൻ വിഭാഗം തടഞ്ഞു വെക്കുകയും കുന്ദമംഗലം പോലീസ് ഇൻസ്പെക്ടർ എസ് കിരൺ ൻ്റെ നേതൃത്വത്തിൽ എസ് സി പി ഒ മാരായ വിജീഷ് , വിപിൻ എന്നിവർ ചേർന്ന് കസ്റ്റഡിയിൽ എടുക്കുകയുമായിരുന്നു. ടാൻസാനിയൻ സ്വദേശികൾ ഉൾപ്പെടെ ഒൻപത് പ്രതികൾ ഉള്ള കേസിൽ 7 പേർ നിലവിൽ ജുഡീഷ്യൽ കസ്റ്റഡിയിലാണ് . കോടതിയിൽ ഹാജരാക്കിയ പ്രതിയെ റിമാൻഡ് ചെയ്തു.
