കൊയിലാണ്ടി: മോഷ്ടിച്ച ബൈക്കുമായി രക്ഷപെടാൻ ശ്രമിച്ച 19 കാരനെ കൊയിലാണ്ടി പോലീസ് പിടികൂടി. താനൂർ റെയിൽവെസ്റ്റേഷനിൽ നിന്നും മോഷ്ടിച്ച ബൈക്കുമായി പോകവെയാണ് മിഹാൽ (19) പോലീസിന്റെ പിടിയിലായത്.
ഞായറാഴ്ച പുലർച്ചെ 4 മണിയോടെ കൊയിലാണ്ടിയിൽ പെട്രോളിംഗ് നടത്തുകയായിരുന്ന സിഐ. ശ്രീലാൽ ചന്ദ്രശേഖരന്റെ നേതൃത്വത്തിലുള്ള പോലീസ് സംഘത്തിന്റെതന്ത്രപരമായ നീക്കത്തിലാണ് പിടികൂടിയത്. എസ്.ഐ മണി, എസ്.സി.പി.ഒ.ഗംഗേഷ് തുടങ്ങിയവർ സംഘത്തിലുണ്ടായിരുന്നു. നിരവധി കേസ്സുകളിൽ പ്രതിയാണ് മിഹാൽ. ഇപ്പോൾ പയ്യോളി ഭജനമഠത്തിനടുത്താണ് താമസം. കോടതിയിൽ ഹാജരാക്കിയ പ്രതിയെ റിമാണ്ടു ചെയ്തു.
