ഇരിങ്ങൽ: കോട്ടക്കൽ കുഞ്ഞാലി മരക്കാർ ഹയർ സെക്കൻഡറി സ്കൂളിലെ നാഷണൽ സർവീസ് സ്കീം വളണ്ടിയർമാർ ‘പ്രഭാ’ പരിപാടിയുടെ ഭാഗമായി പയ്യോളി ശാന്തി പാലിയേറ്റീവ് ക്ലിനിക്കിന് വീൽചെയർ നൽകി വിദ്യാർത്ഥികൾക്കും സമൂഹത്തിനും മാതൃകയായി. ശാരീരിക ബുദ്ധിമുട്ട് അനുഭവിക്കുന്ന രോഗികൾക്കുള്ള കേരള നാഷണൽ സർവീസ് സ്കീമിന്റെ സഹായ പദ്ധതിയാണ് ‘പ്രഭ’. വളണ്ടിയർമാർ ഇതിനാവശ്യമായ പണം സ്വരൂപിച്ചത് സ്ക്രാപ് ചലഞ്ചിലൂടെയാണ്.
വീൽചെയർ ശാന്തിക്ക് കൈമാറിക്കൊണ്ട് സ്കൂൾ പ്രിൻസിപ്പൽ അഖിലേഷ് ചന്ദ്ര പരിപാടി ഉദ്ഘാടനം ചെയ്തു. എൻ.എസ്.എസ്. പ്രോഗ്രാം ഓഫീസർ ഡോ. പി എം സുമേഷ്, വി വി ഹരീഫ്, കാട്ടൊടി ഹംസ, രവി, സലീം എന്നിവർ സംസാരിച്ചു. വളണ്ടിയർ ലീഡർമാരായ മുഹമ്മദ് നജാദ്, പുണ്യ എന്നിവർ പരിപാടിക്ക് നേതൃത്വം നൽകി.
