കണ്ണൂര്: ബൈക്ക് അപകടത്തിൽ യുവാവ് മരിച്ചു. കണ്ണൂര് ജില്ലയിലെ മാട്ടൂല് നോര്ത്ത് കക്കാടന് ചാലിലെ എബിൻ കെ ജോണാണ് മരിച്ചത്. 23 വയസായിരുന്നു പ്രായം. ഇന്ന് പുലര്ച്ചെയാണ് അപകടം ഉണ്ടായത്. കണ്ണൂര് പുതിയങ്ങാടിയിലെ വീട്ടുമതിലിലാണ് എബിൻ സഞ്ചരിച്ച ബൈക്ക് നിയന്ത്രണം വിട്ട് ഇടിച്ചത്. ശബ്ദം കേട്ട് ഉണര്ന്ന നാട്ടുകാര് അപകട സ്ഥലത്ത് എത്തിയെങ്കിലും എബിൻ സംഭവസ്ഥലത്ത് വച്ച് തന്നെ മരിച്ചിരുന്നു.
