പയ്യോളി: ആറാട്ട് ഉത്സവം നടക്കുന്ന കീഴൂർ ശിവക്ഷേത്രത്തിൽ നാളെ വലിയ വിളക്ക്.
കാലത്ത് 7. 30നും വൈകിട്ട് നാലിനും കാഴ്ച ശീവേലി, രാവിലെ 10 .30 ന് കലാമണ്ഡലം സുരേഷ് കാളിയത്ത് അവതരിപ്പിക്കുന്ന ഓട്ടം തുള്ളൽ, 11ന് വിശേഷാൽ വലിയ വട്ടളം പായസാനിവേദ്യത്തോടു കൂടിയ ഉച്ചപൂജ, തുടർന്ന് പ്രസാദ ഊട്ട്, രാത്രി ഏഴിന് ഡോ:സുമ സുരേഷ് വർമ്മ കണ്ണൂർ അവതരിപ്പിക്കുന്ന ‘നാദലയം’ വീണ ഇൻസ്ട്രുമെന്റൽ ഫ്യൂഷൻ, രാത്രി 9. 30 ന് ചെറുതാഴം വിഷ്ണുരാജ് കക്കാട്, അതുൽ മാരാരും ചേർന്നൊരുക്കുന്ന ഇരട്ടത്തായമ്പകയും തുടർന്ന് വിളക്കിന് എഴുന്നള്ളിപ്പും നടക്കും. ഞായറാഴ്ചയാണ് പള്ളിവേട്ട.
