കോഴിക്കോട്: മാനാഞ്ചിറ സ്ക്വയറിൽ രാത്രി പട്രോളിങ്ങിനിടെ പൊലീസുകാരനെ ലഹരി സംഘം സിറിഞ്ചും സൂചിയും ഉപയോഗിച്ച് കുത്തി പരിക്കേൽപ്പിച്ചു. കോഴിക്കോട് ടൗൺ സ്റ്റേഷനിലെ ഉദ്യോഗസ്ഥനാണ് ആക്രമണത്തിൽ പരിക്കേറ്റത്. പരിക്കേറ്റ ഉദ്യോഗസ്ഥൻ ആശുപത്രിയിൽ ചികിത്സ തേടി. സംഭവത്തിന് പിന്നിൽ ലഹരി സംഘമാണെന്ന് പൊലീസ് സ്ഥിരീകരിച്ചു. ആക്രമണം നടത്തി കടന്നുകളഞ്ഞ പ്രതികൾക്കായി പൊലീസ് തിരച്ചിൽ ഊർജിതമാക്കിയിട്ടുണ്ട്.