പയ്യോളി: പരീക്ഷാ അട്ടിമറികളുടെ ഉത്തരവാദിത്തം ഏറ്റെടുത്ത് കേന്ദ്ര വിദ്യാഭ്യാസ മന്ത്രി ധർമേന്ദ്ര പ്രധാൻ രാജിവെക്കുക, അഴിമതിയുടെ കേന്ദ്രമായി മാറിയ നാഷണൽ ടെസ്റ്റിംഗ് ഏജൻസി (NTA) പിരിച്ചുവിട്ട് വിദ്യാർത്ഥികൾക്ക് നീതി ഉറപ്പാക്കുക, തടവിലാക്കപ്പെട്ട പ്രമുഖ പരിസ്ഥിതി പ്രവർത്തകൻ സോനം വാങ്ചുക്കിനെ ഉടൻ മോചിപ്പിക്കുക എന്നീ ആവശ്യങ്ങൾ ഉന്നയിച്ച് ഡൽഹിയിൽ നടക്കുന്ന ജനകീയ പ്രക്ഷോഭങ്ങൾക്ക് ഐക്യദാർഢ്യം പ്രഖ്യാപിച്ച് പ്രകടനം. സി.ഐ.ടി.യു. (CITU) പയ്യോളി ഏരിയ കമ്മിറ്റിയുടെ നേതൃത്വത്തിലാണ് പയ്യോളി ടൗണിൽ പ്രതിഷേധ പ്രകടനം സംഘടിപ്പിച്ചത്. പ്രതിഷേധ പ്രകടനത്തിന് സി.ഐ.ടി.യു. ജില്ലാ സെക്രട്ടറി കെ.കെ. മമ്മു, ഏരിയ പ്രസിഡന്റ് പി.വി. മനോജൻ, സെക്രട്ടറി എ.കെ. ഷൈജു, ടി. ഷീബ, കെ.കെ. ഗണേശൻ, എൻ.ടി. അബ്ദുറഹിമാൻ തുടങ്ങിയ നേതാക്കൾ നേതൃത്വം നൽകി.