കോഴിക്കോട് : കേരള നിയമസഭയിൽ അംഗമായിരിക്കെ അന്തരിച്ച ആദ്യ വനിതയാണ് കാനത്തിൽ ജമീല. എംഎൽഎ ആയിരിക്കെ ഇതുവരെ 54 പേർ വിടവാങ്ങി. 1996ലെ തിരഞ്ഞെടുപ്പിൽ, വോട്ടെടുപ്പിനും ഫലപ്രഖ്യാപനത്തിനും ഇടയ്‌ക്ക് മരണമടയുകയും ആ തിരഞ്ഞെടുപ്പിൽ വിജയിക്കുകയും ചെയ്‌ത പി.കെ. ശ്രീനിവാസനെ കൂടാതെയുള്ള കണക്കാണിത്.കേരളനിയമസഭയിൽ ഇതുവരെ അംഗങ്ങളായത് 973 പേരാണ്. അവരിൽ വനിതകൾ 52 മാത്രം. ഇപ്പോഴത്തെ നിയമസഭയിലെ 4–ാമത്തെ മരണമാണിത്. ജമീലയുടെ നിര്യാണത്തോടെ 15–ാം കേരള നിയമസഭയിൽ 7–ാമത്തെ ഒഴിവാണുണ്ടാകുന്നത്. 4 പേർ മരിക്കുകയും 3 രാജിവയ്ക്കുകയുമായിരുന്നു.
