താമരശ്ശേരിയിൽ സ്വകാര്യ ബസ് ജീവനക്കാർ വിദ്യാർഥികളെ മര്‍ദിച്ചു; ഒരാൾക്ക് ഗുരുതര പരുക്ക്

Jun 13, 2025, 2:15 pm GMT+0000 payyolionline.in

കോഴിക്കോട്: താമരശ്ശേരിയിൽ സ്വകാര്യ ബസ് ജീവനക്കാരുടെ മർദനത്തിൽ വിദ്യാര്‍ഥിക്ക് ഗുരുതര പരുക്ക്. കൂടത്തായി സെന്റ് മേരീസ് ഹയര്‍ സെക്കൻഡറി സ്‌കൂള്‍ ഒന്‍പതാം ക്ലാസ് വിദ്യാര്‍ഥിയായ അനശ്വര്‍ സുനിലിനാണ് ഗുരുതര പരുക്കേറ്റത്. കണ്‍സെഷന്‍ കാര്‍ഡ് കൈവശമുണ്ടായിട്ടും കണ്ടക്ടര്‍ ഫുള്‍ ടിക്കറ്റ് നല്‍കുകയും വിദ്യാർഥികൾ ഇത് ചോദ്യം ചെയ്തതുമാണ് മര്‍ദനത്തിന് കാരണം. താമരശ്ശേരി പഴയ ബസ് സ്റ്റാൻഡില്‍ നിന്ന് വാവാട്ടേക്ക് ബസില്‍ കയറിയ വിദ്യാര്‍ഥികളെയാണ് മര്‍ദിച്ചത്.