ദോഹ : കോഴിക്കോട് ജില്ലയിലെ നാദാപുരം ചേലക്കാട് കുളങ്ങരത്ത് സ്വദേശി ചേണിക്കണ്ടി അബ്ദുൽ മജീദ് (50) ഖത്തറിൽ അന്തരിച്ചു. ദോഹ റൊട്ടാന റസ്റ്ററന്റിൽ ജീവനക്കാരനായിരുന്നു. പരേതനായ ചേണിക്കണ്ടി മൊയ്തുഹാജിയുടെ മകനാണ്. ഉമ്മ ഖദീജ. ഭാര്യ: ചാമക്കാലിൽ ഉമൈബ ചേലക്കാട്. മക്കൾ: ഫാത്തിമത്തുൽ അസ്ലഹ, അംന ഷെറിൻ , ഹനീന. സഹോദരങ്ങൾ: മമ്മു, ബഷീർ, ഹമീദ്, ലത്തീഫ്, ആസ്യ.
നടപടി ക്രമങ്ങൾ പൂർത്തിയാക്കി ഇന്ന് വൈകിട്ട് 7.40 ന് കോഴിക്കോട്ടേക്കുള്ള ഖത്തർ എയർവേസിൽ മൃതദേഹം നാട്ടിലേക്ക് കൊണ്ട് പോകുമെന്ന് കെഎംസിസി ഖത്തർ അൽ ഇഹ്സാൻ മയ്യിത്ത് പരിപാലന കമ്മിറ്റി ഭാരവാഹികൾ അറിയിച്ചു.
