ഈ പാടുകൾ നിരുപദ്രവകരമാണെന്നാണ് അവളുടെ ന്യൂട്രീഷ്യൻ എജ്യുക്കേറ്ററും ഹെൽത്ത് കോച്ചും പറഞ്ഞത്. “ഞാൻ ആദ്യമായി ആ പാടുകൾ ശ്രദ്ധിച്ചത് സെപ്റ്റംബറിലാണ്. എത്രകാലമായി ആ പാട് അവിടെയുണ്ട് എന്ന് എനിക്ക് അറിയില്ലായിരുന്നു. സാധാരണയായി നഖങ്ങളിൽ ഓരോ നാല് ആഴ്ച കൂടുമ്പോഴും മാനിക്യൂർ ചെയ്യാറുണ്ട്“ എന്നാണ് മിഷേൽ പറയുന്നത്.

നഖത്തിലെ പാടുകളുടെ കുറച്ച് ചിത്രങ്ങളും മിഷേൽ എടുത്തുവച്ചു. എന്നാൽ, അത് അധികം ​ഗൗനിക്കാൻ പോയില്ല. പക്ഷേ, ഒക്ടോബറിലും ആ പാടുകൾ അവിടെ തന്നെ ഉണ്ടായിരുന്നു. അതോടെ ആകെ ആശങ്കപ്പെട്ട അവൾ ഇത്തവണ അതിനെ ​ഗൗരവത്തോടെ തന്നെ കാണാൻ തീരുമാനിച്ചു. ഒടുവിൽ ഒരു ഡെർമറ്റോളജിസ്റ്റിനെ കണ്ടപ്പോഴാണ് അദ്ദേഹവും അതിനെ ​ഗൗരവത്തോടെ കണ്ടത്.

പിന്നീട്, മിഷേൽ ഇതിന്റെ ബയോപ്സി എടുത്തു. അപ്പോഴാണ് അത് സ്റ്റേജ് സീറോ മെലനോമ ആണ് എന്ന് ജനുവരി 17 -ന് അവൾ ഒരു നാല് മണിക്കൂർ സർജറിക്ക് വിധേയയായി. അവളുടെ തള്ളവിരൽ മുറിച്ചുമാറ്റപ്പെട്ടു. എങ്കിലും, ഇത്രയെങ്കിലും നേരത്തെ ഇത് കണ്ടെത്താൻ സാധിച്ചതിലും മറ്റ് ഭാ​ഗങ്ങളിലേക്ക് വ്യാപിക്കാതെ തടയാൻ കഴിഞ്ഞതിലും താൻ ഹാപ്പിയാണ് എന്നാണ് മിഷേൽ പറയുന്നത്.