കൊയിലാണ്ടി: അയൽവാസിയുടെ കിണറ്റിൽ നിന്നും പൂച്ചയെ എടുക്കാനുള്ള ശ്രമത്തിനിടെ അമ്പത്തെട്ടുകാരൻ കിണറ്റിൽ വീണ് മരിച്ചു. ചേമഞ്ചേരി തൂവക്കോട് പടിഞ്ഞാറേ മലയിൽ വിജയൻ (58) ആണ് അയൽവാസിയുടെ വീട്ടിലെ കിണറ്റിൽ വീണ ചത്ത പൂച്ചയെ എടുക്കാൻ ശ്രമിക്കുന്നതിനിടെ മരണപ്പെട്ടത്.
തുടർന്ന് കൊയിലാണ്ടിയിൽ നിന്നും അഗ്നിരക്ഷാ സേന എത്തി ഓക്സിജൻ ലഭ്യത കുറഞ്ഞ കിണറ്റിൽ ബിഎ സെറ്റ് ഉപയോഗിച്ച് ഫയർ ആൻഡ് റെസ്ക്യു ഓഫീസർ ഇർഷാദ് ടി കെ ഇറങ്ങുകയും സേനാംഗങ്ങളുടെ സഹായത്തോടുകൂടി വിജയനെ കരയ്ക്ക് എത്തിച്ച് മെഡിക്കൽ കോളേജിൽ എത്തിച്ചെങ്കിലും ജീവൻ രക്ഷിക്കാൻ കഴിഞ്ഞില്ല.
അസിസ്റ്റന്റ് സ്റ്റേഷൻ ഓഫീസർ അനിൽകുമാർ പി എമ്മിന്റെ നേതൃത്വത്തിൽ സീനിയർ ഫയർ ആൻഡ് റസ്ക്യു ഓഫീസർ അനൂപ് ബികെ,എഫ് ആർ ഒ മാരായ ബിനീഷ് കെ, നിധിപ്രസാദ് ഇ എം, സുജിത്ത് എസ് പി,നവീൻ ഹോംഗാർഡ് ബാലൻ എന്നിവർ രക്ഷാപ്രവർത്തനത്തിൽ ഏർപ്പെട്ടു. ഭാര്യ: സരസു. മക്കൾ :വിജീഷ്, വിജിന. മരുമകൻ: അമർനാഥ് കോക്കല്ലൂർ. സഹോദരങ്ങൾ: ഭാസ്ക്കരൻ, ദേവി, സൗമിനി , ശ്യാമള ,പരേതയായ കാർത്ത്യായനി.
