വാഷിങ്ടൺ : യുഎസിൽ യാത്രക്കാരുമായി പോയ വിമാനം ഹെലികോപ്റ്ററുമായി കൂട്ടിയിടിച്ച് അപകടം. വാഷിങ്ടൺ ഡിസിയിലാണ് പ്രാദേശിക സമയം 2ഓടെ അപകടമുണ്ടായത്. കൂട്ടിയിടിയെത്തുടർന്ന് തകർന്ന വിമാനം പോട്ടോമാക് നദിയിൽ വീണു. റൊണാൾഡ് റീഗൻ നാഷണൽ എയർപോർട്ടിനു സമീപമായിരുന്നു അപകടം.
ലാൻഡ് ചെയ്യാനായി എത്തുന്നതിനിടെ യാത്രാവിമാനം ഹെലികോപ്റ്ററുമായി കൂട്ടിയിടിക്കുകയായിരുന്നു. 60 യാത്രക്കാരും 4 ജീവനക്കാരുമാണ് വിമാനത്തിലുണ്ടായിരുന്നത്. അമേരിക്കൻ പ്രാദേശിക എയർലൈനായ പിഎസ്എ എയർലൈനിന്റെ ബൊംബാർഡിയർ സിആർജെ 700 ജെറ്റാണ് സിറോസ്കി എച്ച്- 60 ഹെലികോപ്റ്ററുമായി കൂട്ടിയിടിച്ചത്. കൻസാസിലെ വിഷ്യയിൽ നിന്നാണ് അമേരിക്കൻ എയർലൈൻസ് വിമാനം പുറപ്പെട്ടത്.
വിമാനം നദിയിൽ വീണതിനെത്തുടർന്ന് വ്യാപക തിരച്ചിൽ ആരംഭിച്ചിട്ടുണ്ട്. അപകടത്തിന്റെ കാരണം വ്യക്തമല്ല. അപകടത്തെത്തുടർന്ന് റൊണാൾഡ് റീഗൻ എയർപോർട്ടിൽ നിന്നുള്ള വിമാനസർവീസുകൾ നിർത്തിവച്ചു.
