കൊയിലാണ്ടി: യുവാക്കളിലും, വിദ്യാർത്ഥികൾക്കും ഇടയിലും വർദ്ധിച്ചുവരുന്ന ലഹരി ഉപയോഗത്തിന് തടയിടുക എന്ന ലക്ഷ്യത്തോടെ നിർമിക്കുന്ന ‘ജാഗ്രത’ എന്ന വിഷ്വൽ ആൽബത്തിന്റെ ഷൂട്ടിംഗ് ആരംഭിച്ചു. മരുതൂരിലും, കാവും വട്ടത്തും പരിസരപ്രദേശങ്ങളിലുമായി ഷൂട്ടിംഗ് നടക്കുന്ന ആൽബത്തിന്റെ സ്വിച്ച് ഓൺ കർമ്മം കൊയിലാണ്ടി ഐ പി എസ്.എച്ച്.ഒ. എം.വി ബിജു നിർവഹിച്ചു.
കൊയിലാണ്ടി പോലീസ് സ്റ്റേഷനിലെ സീനിയർ സിവിൽ പോലീസ് ഓഫീസർ (ഡ്രൈവർ) സുരേഷ് ഒ കെ ഗാനരചനയും സംവിധാനവും നിർവഹിക്കുന്ന ആൽബത്തിൽ ഷാജി പയ്യോളി. മനോജ് മരുതൂര് തുടങ്ങി ഒരു കൂട്ടം കലാകാരന്മാർ ഒന്നിക്കുന്നു. ആൽബത്തിന് സംഗീതസംവിധാനം നിർവഹിക്കുന്നത് പ്രേംരാജ് പാലക്കാട് ആണ്. എഡിറ്റിംഗ് ഷിജു പൈതൊത്ത് നവരാത്രിയോടനുബന്ധിച്ച് ആൽബം റിലീസ് ചെയ്യുമെന്ന് സംഘാടകർ അറിയിച്ചു
