കൊയിലാണ്ടി: മേലൂർ ഇടൂമ്മൽ രാമൻമാസ്റ്റർ മെമ്മോറിയൽ ലൈബ്രറി ആൻഡ് റീഡിങ് റൂമിന്റെ ആഭിമുഖ്യത്തിൽ ആരംഭിച്ച പ്രഭാഷണപരമ്പര ആദികാവ്യമായ രാമായണത്തെ കുറിച്ച് പ്രഭാഷണം നടത്തിക്കൊണ്ട് പ്രശസ്ത എഴുത്തുകാരനും ഗവേഷകനുമായ എം. ശ്രീഹർഷൻ മാസ്റ്റർ ഉദ്ഘാടനം ചെയ്തു.
ചടങ്ങിൽ അദ്ദേഹം രചിച്ച ‘രാമായണങ്ങളുടെ ലോകം’ എന്ന പുസ്തകത്തിന്റെ പുതിയ പതിപ്പ് അദ്ദേഹം ലൈബ്രറി പ്രസിഡന്റ്‌ . കെ. എ. മോഹൻകുമാറിന് കൈമാറി. ചടങ്ങിൽ കെ. എ. മോഹൻകുമാർ അധ്യക്ഷത വഹിച്ചു. പുതുക്കുടി ശ്രീധരൻമാസ്റ്റർ, കെ. കെ. ചന്ദ്രശേഖരൻ, ടി. വേണുഗോപാലൻ എന്നിവർ സംസാരിച്ചു.
