പയ്യോളി :  റോഡിൽ നിന്ന് കിട്ടിയ രണ്ടര പവന്റെ സ്വര്‍ണം  അവകാശിക്ക് തിരിച്ച് നൽകി അയനിക്കാട് സ്വദേശിനികള്‍ മാതൃകയായി. അയനിക്കാട് കമ്പിവളപ്പിൽ രാഖി, സുകന്യ എന്നിവരാണ് ഉടമയ്ക്ക് സ്വര്‍ണം  തിരിച്ചു നൽകിയത്. നടുവണ്ണൂർ സ്വദേശി കാവിൽ  ചെറുവത്ത് വീട്ടില്‍  കെ എം ശ്രീനിവാസന്‍റേതായിരുന്നു സ്വര്‍ണം. പയ്യോളി  പൊലീസ് സ്റ്റേഷനിലെത്തി ശ്രീനിവാസന്‍  സ്വര്‍ണം  ഏറ്റുവാങ്ങി.  

തെരുവുനായ ശല്യവുമായി ബന്ധപ്പെട്ട പരാതികൾ പരിഹരിക്കുന്നതിനായി സംസ്ഥാന കൺട്രോൾ റൂം പ്രവർത്തനം ആരംഭിച്ചതായി തദ്ദേശ സ്വയംഭരണ വകുപ്പ് പ്രിൻസിപ്പൽ ഡയറക്ടർ ജെറോമിക് ജോർജ്ജ് അറിയിച്ചു.   കൺട്രോൾ റൂം ദിവസവും രാവിലെ പത്ത് മണി മുതൽ വൈകീട്ട് അഞ്ച് മണി വരെ പ്രവർത്തിക്കും. 0471 2773100 എന്ന ടോൾ ഫ്രീ നമ്പറിൽ പരാതികൾ അറിയിക്കാം.  

ഒരാഴ്ച സമൂഹമാധ്യമത്തിൽ നിന്ന് പൂർണമായും മാറി നിന്നുനോക്കൂ. നിങ്ങളുടെ മാനസിക നിലയിൽ വല്ല മാറ്റവുമുണ്ടാകുമോ എന്നു​ നോക്കാം. എന്നാൽ വലിയ മാറ്റങ്ങളുണ്ടാകുന്നതായിത്തന്നെയാണ് പഠനം തെളിയിച്ചിട്ടുള്ളത്. അ​ല്ലെങ്കിൽ സോഷ്യൽ മീഡിയ കാണുന്ന സമയം വളരെയധികം കുറച്ചാലും ഇതേ മാറ്റം കാണാം. പൊതുവേ ആധുനിക സമൂഹത്തിൽ യുവജനങ്ങൾ അഭിമുഖീകരിക്കുന്ന അമിതമായ ഉത്കണ്ഠ, വിഷാദം, ഉറക്കമില്ലായ്മ തുടങ്ങിയ മാനസിക പ്രശ്നങ്ങൾ ഒരാഴ്ച കൊണ്ടുതന്നെ മാറ്റം വരുമെന്നാണ് പുതിയ പഠനം തെളിയിക്കുന്നത്. ഹാർവാർഡ് മെഡിക്കൽ സ്കൂൾ നടത്തിയ പഠനത്തിലാണ് ഈ കണ്ടെത്തൽ. ജെമാ […]

താമരശ്ശേരി: ചുരം എട്ടാം വളവില്‍ ക്രെയിന്‍ മറിഞ്ഞു. ഇന്ന് 12മണിയോടെയായിരുന്നു സംഭവം. ഇതോടെ ചുരത്തില്‍ ഗതാഗതം പൂര്‍ണമായി തടസപ്പെട്ടു. ഇരുഭാഗത്തേക്കും വാഹനങ്ങള്‍ കടത്തിവിടുന്നില്ല. ചുരത്തിലെ ആറ്, ഏഴ്, എട്ട് വളവുകള്‍ വീതി കൂട്ടുന്നതിന്റെ ഭാഗമായി മരങ്ങള്‍ മുറിച്ചുമാറ്റുന്ന പ്രവൃത്തി നടക്കുകയാണ്. മരത്തടികള്‍ ക്രെയിന്‍ ഉപയോഗിച്ച് ലോറിയില്‍ കയറ്റുന്നതിന്റെ ഭാഗമായി ഇന്ന് ഗതാഗത നിയന്ത്രണം ഏര്‍പ്പെടുത്തിയിരുന്നു. മരങ്ങള്‍ കയറ്റുന്നതിനായി എത്തിച്ച ക്രെയിനാണ് മറിഞ്ഞത്.

കൊച്ചി: കേരളത്തിൽ സ്വർണവിലയിൽ വർധന. ഗ്രാമിന് 25 രൂപയുടെ വർധനവാണ് ഉണ്ടായത്. 11,910 രൂപയായാണ് സ്വർണവില വർധിച്ചത്. പവന് 200 രൂപയുടെ വർധനയുണ്ടായി. 95,280 രൂപയായാണ് പവന്റെ വില വർധിച്ചത്. 18 കാരറ്റ് സ്വർണത്തിന്റെ വില പവന് 78,360 രൂപയായും 14 കാരറ്റിന്റേത് 61,040 രൂപയായും വർധിച്ചു. ആഗോള വിപണിയിൽ സ്വർണവിലയിൽ നേരിയ വർധനവ് ​മാത്രമാണ് രേഖപ്പെടുത്തിയത്. 0.18 ശതമാനത്തിന്റെ വർധനവാണ് ഉണ്ടായത്. ട്രോയ് ഔൺസിന് 4209 ഡോളറിലാണ് സ്വർണത്തിന്റെ അന്താരാഷ്ട്ര വിപണിയിലെ വ്യാപാരം പുരോഗമിക്കുന്നത്. യു.എസ് […]

സംസ്ഥാനത്ത് മണ്ണെണ്ണയ്ക്ക് വിലക്കയറ്റം. ലിറ്ററിന് 74 രൂപയായി ഉയര്‍ന്നു. ആറ് മാസം കൊണ്ട് മണ്ണെണ്ണയ്ക്ക് ലിറ്ററിന് 13 രൂപയാണ് കൂടിയത്. ജൂണില്‍ ലിറ്ററിന് 61 രൂപയായിരുന്നു. ഇതാണ് ഡിസംബര്‍ മാസം ആകുമ്പോഴേക്ക് 74 രൂപയായി ഉയര്‍ന്നത്. മണ്ണെണ്ണയുടെ വില ഉയര്‍ന്നതോടെ സംസ്ഥാനത്തെ മത്സ്യത്തൊഴിലാളികള്‍ പ്രതിസന്ധിയിലായിരിക്കുകയാണ്. റേഷന്‍ കടകളില്‍ പോലും മണ്ണെണ്ണ കിട്ടാക്കനിയായി മാറിയിരിക്കുകയാണ്. വൈദ്യുതീകരിക്കാത്ത വീടുകളെയും മുന്‍ഗണന കാര്‍ഡ് ഉടമകളെയുമാണ് മണ്ണെണ്ണയുടെ വില വര്‍ധന പ്രതികൂലമായി ബാധിക്കുക. ക്രൂഡ് ഓയിലിന്റെ വില വര്‍ധനവാണ് മണ്ണെണ്ണയുടെ വില വര്‍ധിക്കാന്‍ […]

കൊയിലാണ്ടി: നന്തി-ചെങ്ങോട്ടുകാവ് ബൈപ്പാസ് നിര്‍മാണം പന്തലായനി ഭാഗത്ത് ഇപ്പോഴും പ്രതീക്ഷിച്ച വേഗത്തിലാവുന്നില്ല. ഡിസംബര്‍ അവസാനത്തോടെ നന്തി-ചെങ്ങോട്ടുകാവ് ബൈപ്പാസ് ഭാഗികമായെങ്കിലും തുറന്നു കൊടുക്കുമെന്നായിരുന്നു തീരുമാനം. എന്നാല്‍ പ്രതീക്ഷിച്ച വേഗത്തില്‍ പ്രവൃത്തി നീങ്ങാത്ത അവസ്ഥയാണിപ്പോള്   കൊല്ലം അണ്ടര്‍പ്പാസിനും പന്തലായനി പുത്തലത്ത് കുന്നിനും ഇടയിലാണ് പാതയുടെ നിര്‍മാണത്തില്‍ കാര്യമായ പുരോഗതി ഉണ്ടാവാത്തത്. കഴിഞ്ഞ ആഴ്ച നല്ലനിലയില്‍ ഈ ഭാഗത്ത് പ്രവൃത്തി നടന്നിരുന്നെങ്കിലും ഇപ്പോള്‍ മന്ദഗതിയിലാണ് പ്രവൃത്തി. ഇവിടെ ടാറിങ് പ്രവൃത്തിയിലേക്ക് കടക്കണമെങ്കില്‍ ചെമ്മണ്‍ പാതയുടെ പണിതീരണം. ഇപ്പോഴും പാതയില്‍ ഉയര്‍ച്ചയും […]

മുംബൈ: നിക്ഷേപകരുടെയും ആഭരണ പ്രേമികളുടെയും പ്രിയപ്പെട്ട ലോഹമാണ് സ്വർണം. വില ഒരു ലക്ഷം രൂപ കടന്ന് സർവകാല റെക്കോഡിലേക്ക് ഉയർന്നതോടെ സ്വർണം കൂടുതൽ വാങ്ങിക്കൂട്ടുകയാണ് നിക്ഷേപകർ ചെയ്തത്. ഈ വർഷം മാത്രം 53 ശതമാനം ലാഭമാണ് സ്വർണം സമ്മാനിച്ചത്. ഓഹരി വിപണിയും രൂപയും കനത്ത ഇടിവ് നേരിട്ടപ്പോൾ സ്വർണം വെട്ടിത്തിളങ്ങുകയായിരുന്നു. യു.എസ് പ്രസിഡന്റ് ഡോണൾഡ് ട്രംപ് ലോകത്തെ മിക്ക രാജ്യങ്ങൾക്കുമെതിരെ പ്രഖ്യാപിച്ച ഇരട്ടി താരിഫും റഷ്യ-യുക്രെയ്ൻ യുദ്ധമടക്കമുള്ള ആഗോള രാഷ്ട്രീയ അനിശ്ചിതാവസ്ഥയുമാണ് സ്വർണത്തിലേക്ക് നിക്ഷേപകരെ ആകർഷിച്ചത്. ഒപ്പം ​വിവിധ […]

പ്രതിദിനം ചികിത്സ തേടുന്നത് ആയിരത്തിലധികം പേർ പേശിവലിവ് മുതല്‍ ശ്വാസകോശ രോഗങ്ങള്‍ക്കു വരെ വിദഗ്ധ ചികിത്സ. മണ്ഡല മകരവിളക്ക് തീർത്ഥാടനത്തോടനുബന്ധിച്ച്‌ സന്നിധാനത്തെ സർക്കാർ ആയുർവേദ ഡിസ്പെൻസറി 24 മണിക്കൂറും കർമ്മനിരതം. മലകയറിയെത്തുന്ന അയ്യപ്പഭക്തർക്കും സന്നിധാനത്ത് സേവനമനുഷ്ഠിക്കുന്ന ജീവനക്കാർക്കും ഒരുപോലെ ആശ്വാസമേകുകയാണ് ഭാരതീയ ചികിത്സാ വകുപ്പിന് കീഴിലുള്ള ഈ ചികിത്സാ കേന്ദ്രം. നിലവില്‍ പ്രതിദിനം ആയിരത്തിലധികം പേരാണ് ഇവിടെ ചികിത്സ തേടിയെത്തുന്നത്. ഏഴ് ഡോക്ടർമാരും നാല് തെറാപ്പിസ്റ്റുകളും മറ്റ് സപ്പോർട്ടിങ് സ്റ്റാഫുകളും ഉള്‍പ്പെടെ 20 ജീവനക്കാരാണ് ഇവിടെയുള്ളത്. ഡിസ്പെൻസറിയുടെ […]

കര്‍ഷകരുടെ അക്കൗണ്ടുകളിലേക്ക് നേരിട്ട് പണം നല്‍കുന്ന പ്രധാനമന്ത്രി കിസാന്‍ സമ്മാന്‍ നിധി ആനുകൂല്യം അനര്‍ഹര്‍ കൈപ്പറ്റിയതായി കേന്ദ്രം. അനധികൃതമായി കൈപ്പറ്റിയ 416.75 കോടി രൂപ കേന്ദ്ര സര്‍ക്കാര്‍ തിരിച്ച് പിടിക്കാൻ നടപടികൾ തുടങ്ങി. ഒരേ കുടുംബത്തിലെ ആളുകള്‍ അനര്‍ഹമായി ആനുകൂല്യങ്ങൾ നേടിയെടുക്കുന്നുവെന്ന് കേന്ദ്ര കൃഷി മന്ത്രാലയം കണ്ടെത്തിയിരുന്നു. ഇത്തരത്തില്‍ തന്നെ 29.13 ലക്ഷം അക്കൗണ്ടുകളാണ് രാജ്യവ്യാപകമായി കണ്ടെത്തിയത്. തുടര്‍ന്നാണ് അനര്‍ഹര്‍ കൈപ്പറ്റിയ ആനുകൂല്യം പിടിച്ചെടുത്ത് തിരിച്ച് നല്‍കാന്‍ സംസ്ഥാനങ്ങളോട് നിര്‍ദേശിച്ചത്. കേരളത്തില്‍ 7,694 കുടുംബങ്ങളില്‍ ഭാര്യയും ഭര്‍ത്താവും […]