പയ്യോളി : ഇരിങ്ങൽ എൽ പി സ്‌കൂളിൽ വായന വസന്തം തീർക്കാൻ ഒരുമാസക്കാലം നീണ്ടു നിൽക്കുന്ന വായനോത്സവ പരിപാടികൾക്ക് തുടക്കമായി. എഴുത്തുകാരനും സ്‌കൂളിലെ പൂർവ്വ വിദ്യാർത്ഥിയുമായ ബൈജു ഇരിങ്ങൽ പരിപാടികളുടെ ഉദ്ഘാടനം നിർവ്വഹിച്ചു.
പി.ടി.എ പ്രസിഡണ്ട് നിധീഷ് പി വി അധ്യക്ഷത വഹിച്ചു. വിദ്യാർത്ഥികളെ അക്ഷരങ്ങളുടെയും വായനയുടെയും വിസ്മയ ലോകത്തേക്ക് കൈ പിടിച്ചുയർത്തുന്ന വ്യത്യസ്ത പരിപാടികൾ വരും ദിവസങ്ങളിൽ സ്‌കൂളിൽ വെച്ച് നടക്കും.നവീകരിച്ച ക്ലാസ്റൂം ലൈബ്രറികളുടെ ഉദ്ഘാടനവും ഇന്ന് നടന്നു. പ്രധാനാധ്യാപിക രിഖിരാം ടീച്ചർ സ്വാഗതം ആശംസിച്ചു. വിദ്യാർത്ഥികളായ ആയിഷ സനൂബിയ,അലോന പി.എ, പി.വി,ശ്രുതിൻ മാസ്റ്റർ,ബിജോയ് മാസ്റ്റർ,സൗമ്യ ടീച്ചർ തുടങ്ങിയവർ സംസാരിച്ചു.
