കൊയിലാണ്ടി: കൊയിലാണ്ടി നഗരത്തിൽ എം.ഡി.എം.എ.യും ബ്രൗഷുഗറുമായി യുവാക്കൾ പിടിയിൽ. ഇന്നു രാവിലെയാണ് കൊയിലാണ്ടി ടൗണിൽ വെച്ച് രണ്ടു യുവാക്കളെ പോലീസ് പിടികൂടിയത്.
പോലീസ് പിടികൂടിയ സിറാചുദീൻ, റഹീഷ് മുഹമ്മദ്
ശ്രീ കണ്ഠാപുരം കുഞ്ഞിക്കണ്ടി സിറാചുദീൻ ( 33) , ഒഡീഷ ബാലേഷർ ദാസിപ്പുർ സ്വദേശി റഹീഷ് മുഹമ്മദ് (29) തുടങ്ങിയവരാണ് അറസ്റ്റിലായത്.ഇവരുടെ കൂടെയുണ്ടായിരുന്ന സവാദ് ഓടി രക്ഷപ്പെട്ടു.
ഇവരില്‍ നിന്നും ഒരു ഗ്രാം എംഡി എം.എ യും, 9ഗ്രാം ബ്രൗൺഷുഗറുമാണ് പിടികൂടിയത്. എസ് ഐ.അനീഷ് വടക്കേടത്ത്, സീനിയർ സിവില്‍ പോലീസ് ഓഫീസർ മനോജ്, സിവിൽ പോലീസ് ഓഫീസർ ജലീഷ് തുടങ്ങിയവരുടെ നേതൃത്വത്തിലുള്ള സംഘമാണ് ഇവരെ അറസ്റ്റ് ചെയ്തത്.
ഇന്നു രാവിലെ കൊയിലാണ്ടി ജി വി എച്ച്.എസ് എസ് നു സമീപം വാഹന പരിശോധനക്കിടെയാണ് ഇവരെ പിടികൂടിയത്. ഇവർ സഞ്ചരിച്ച കെ എല്‍ 21 ആര്‍ 245 ബൈക്കും പോലീസ് കസ്റ്റഡിയിലെടുത്തിട്ടുണ്ട്
